Injured Monkey Enters Medical Shop
బంగ్లాదేశ్‌లోని మెహెర్‌పూర్ పట్టణంలో ఒక వింతైన సంఘటన జరిగింది. గాయపడిన వానరం మెడికల్ షాపుకు వెళ్లింది. ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. ఆ వీడియోలో వానరం మెడికల్ షాపులోకి వెళ్లి కౌంటర్ వద్ద కూర్చుంది. వెంటనే స్పందించిన మెడికల్ షాపు యజమాని.. ఆ వానరానికి ప్రథమ చికిత్స చేశారు.
ఈ అసాధారణ దృశ్యానికి సంబంధించిన వీడియో సోషల్ మీడియాలో హల్ చల్ చేస్తోంది. గాయపడి ఉన్న కోతి, మానవులు సహాయం అందించగలరని తెలిసినట్లుగా, తనంతట తానుగా ఫార్మసీలోకి నడిచింది. ఆ కోతి గాయపడిన స్థితిలో ఫార్మసీకి రావడం అందరినీ ఆశ్చర్యపరిచింది. ఆ ఫుటేజీలో ఆ వానరం ఎలాంటి భయం లేకుండా ప్రశాంతంగా కౌంటర్ మీద కూర్చున్నట్లు కనిపించింది. షాపు సిబ్బంది వానరానికి వైద్యం చేశారు. ఈ వీడియోపై నెటిజన్లు రకరకాలుగా స్పందిస్తున్నారు.
