మేకపాలు ఆరోగ్యానికి ఎంతగానో మేలు చేస్తుంది. మేక పాలు ఆరోగ్యానికి ఎంతో మంచి చేసే డ్రింక్ అయినప్పటికీ.. కొందరికి ఇది సరిపడకపోవచ్చు. అందువల్ల మేక పాలను మీ రోజువారీ ఆహారంలో చేర్చుకునే ముందు డాక్టర్ సలహా తీసుకోవడం మంచిది. అలాగే ఆవు పాలలో ఉండే కొన్ని ప్రోటీన్లు కొందరికి అలర్జీని కలిగిస్తాయి. కానీ మేక పాలలో అలాంటి సున్నితమైన ప్రోటీన్లు తక్కువగా ఉంటాయి.
అందువల్ల చాలా మంది అలర్జీ లేకుండా మేక పాలు తాగగలుగుతారు. ఈ పాలలో విటమిన్లు, ఖనిజాలు, రోగనిరోధక శక్తిని పెంచే గుణాలు పుష్కలంగా ఉంటాయి. మేక పాలు సులభంగా జీర్ణం అవుతాయి. కాల్షియం, ఫాస్ఫరస్ వంటి ఖనిజాలు మేక పాలలో ఎక్కువగా ఉంటాయి.
ఇవి ఎముకలను బలంగా తయారు చేయడంలో సహాయపడతాయి. లాక్టిక్ యాసిడ్ అనే పదార్థం ఈ పాలలో ఉండటం వల్ల చర్మానికి కావాల్సిన తేమను అందిస్తుంది. ఇది చర్మాన్ని మృదువుగా, సున్నితంగా ఉంచడమే కాకుండా.. ఎటువంటి ఇన్‌ఫెక్షన్లు రాకుండా చేస్తుంది.
మహిళలు మేకపాలు తీసుకోవడం ద్వారా ఎముకల్లో ఏర్పడే వ్యాధులను దూరం చేస్తుంది. ఇంకా మేకపాలతో చేసే సబ్బులను వాడటం ద్వారా మహిళ చర్మ సౌందర్యం మెరుగు అవుతుంది.
