ప్రముఖ హాలీవుడ్ దర్శకుడు స్టీవెన్ స్పీల్ బర్గ్ తండ్రి, పర్సనల్ కంప్యూటర్ పితామహుడు, టెక్నాలజీ రంగ నిపుణుడుగా గుర్తింపు పొందిన ఆర్నాల్డ్ స్పీల్ బర్గ్ ఇకలేరు. ఆయన 103 యేళ్ల వయస్సులో వద్ధాప్య సమస్యల కారణంగా కన్నుమూశారు. ఈ విషయాన్ని ఆయన కుటుంబ సభ్యులు వెల్లడించారు. తన తండ్రి 103 యేళ్ల వయస్సులో ప్రశాంతంగా కన్నుమూశారని స్టీవెన్ స్పీల్ బర్గ్ ఓ ప్రకటనలో పేర్కొన్నారు.
కాగా, 1970, 1980 దశకాల్లో పీసీలు అందుబాటులోకి వచ్చాయంటే, 1950లో ఆర్నాల్డ్ చేసిన కృషే కారణమని చెప్పొచ్చు. జనరల్ ఎలక్ట్రిక్ సంస్థలో పనిచేస్తూ, సహోద్యోగి అయిన ప్రాప్‌ స్టర్‌తో కలిసి 'స్పీల్ బర్గ్ జీఈ-225' అనే మెయిన్ ఫ్రేమ్ కంప్యూటర్‌ను తయారు చేశారు.
ఈ స్ఫూర్తితోనే 'బేసిక్' ప్రోగ్రామింగ్ లాంగ్వేజ్‌ని డార్ట్ మౌత్ కాలేజ్ పరిశోధకులు తయారు చేశారు. ఈ లాంగేజ్వ్ సాయంతోనే ఆపై కంప్యూటర్లు తయారు అయ్యాయి. 1917లో జన్మించిన ఆయన, తన సుదీర్ఘ జీవితంలో ఎన్నో ఎత్తు పల్లాలను చవిచూశారు. యూఎస్‌లోని సిన్సినాటి ప్రాంతానికి వలస వచ్చిన ఉక్రెయిన్‌కు చెందిన యూదు దంపతులకు ఆర్నాల్డ్ జన్మించారు.
