Select Your Language

Notifications

webdunia
webdunia
webdunia
webdunia

పన్ను ఎగవేత కేసులో చైనా ముద్దుగుమ్మకు భారీ అపరాధం

ప్రముఖ చైనీస్ నటి, మోడల్, గాయని ఫ్యాన్ బింగ్ బింగ్(37)కు చైనా ప్రభుత్వం షాకిచ్చింది. పన్ను ఎగవేత కేసులో రూ.945 కోట్ల జరిమానా చెల్లించాల్సిందిగా ఆదేశించారు.

Advertiesment
Fan Bingbing
, బుధవారం, 3 అక్టోబరు 2018 (18:49 IST)
ప్రముఖ చైనీస్ నటి, మోడల్, గాయని ఫ్యాన్ బింగ్ బింగ్(37)కు చైనా ప్రభుత్వం షాకిచ్చింది. పన్ను ఎగవేత కేసులో రూ.945 కోట్ల జరిమానా చెల్లించాల్సిందిగా ఆదేశించారు. ఎక్స్‌ మ్యాన్‌, ఐరన్‌మ్యాన్‌, యాష్‌ ఈజ్‌ పూరెస్ట్‌ వైట్‌ వంటి హాలీవుడ్ చిత్రాల్లో బింగ్ బింగ్ నటించింది. అయితే ఆమె నటించిన కొన్ని సినిమాలకు సంబంధించి భారీగా పన్ను ఎగవేత పాల్పడినట్లు అధికారులు గుర్తించారు.
 
విచారణలో భాగంగా అధికారులు ఇప్పటికే బింగ్ బింగ్ అధికార ప్రతినిధిని అదుపులోకి తీసుకుని విచారిస్తున్నారు. దాదాపు 129 మిలియన్ డాలర్లు(రూ.945 కోట్లు) కట్టాల్సిందిగా చైనా స్టేట్ అడ్మినిస్ట్రేషన్ ట్యాక్సేషన్ ఆమెకు నోటీసులు జారీ చేసింది. ఒకవేళ జరిమానాను చెల్లించలేని పక్షంలో క్రిమినల్ విచారణ ఎదుర్కోవడానికి సిద్ధంగా ఉండాలని కూడా ఆదేశించింది. 
 
ఈ నోటీసుపై ఆమె స్పందిస్తూ దేశ చట్టాలను తాను చాలా గౌరవిస్తానని, తన ప్రవర్తన, చట్టాలను దుర్వినియోగం చేయడం పట్ల సిగ్గుపడుతున్నట్లు చెప్పింది. బింగ్ దేశంలోని ప్రతి ఒక్కరినీ క్షమాపణలు కోరుతూ చైనా మైక్రో బ్లాగింగ్ సైట్ వైబోలో సందేశాన్ని పోస్ట్ చేసింది. చైనాలో లగ్జరీ ఎండోర్స్‌మెంట్లతో ఎక్కువ మొత్తంలో పారితోషికం తీసుకునే బింగ్ జూలై 1వ తేదీన ఎవరికీ కనిపించకుండా అదృశ్యమైంది. అయితే ఆమె ప్రాణ రక్షణ నిమిత్తం అమెరికాకు పారిపోయిందనీ, చైనా అధికారులు ఆమెను నిర్భంధంలో ఉంచారని కూడా వార్తలు గుప్పుమన్నాయి. 

Share this Story:

Follow Webdunia telugu

తర్వాతి కథనం

అలా చేసేవారిపైనే ప్రేమ పుడుతుంది : అనుపమా పరమేశ్వరన్