సోంపు గింజలు ఆరోగ్యానికి ఎంతో మేలు చేస్తాయి. డయాబెటిస్ వ్యాధిగ్రస్థుల్లో బ్లడ్ షుగర్ లెవెల్స్‌ని తగ్గించేందుకు ఇవి బాగా ఉపయోగపడుతున్నాయి. తాజా సోంపు గింజల్లో క్యాలరీలు తక్కువగా ఉండి, విటమిన్ సీ, మాంగనీస్, కాల్షియం, పొటాషియం, మెగ్నీషియం వంటి పోషకాలు ఎక్కువగా ఉంటాయి. అలాగే వాటిలో క్లోరోజెనిక్ యాసిడ్, లైమొనెన్, క్వెర్సెటిన్ వంటి యాంటీఆక్సిడెంట్లు ఉంటాయి.
ఈ సోంపు గింజలు డయాబెటిస్, కాన్సర్, గుండె జబ్బులు రాకుండా వైరస్, బ్యాక్టీరియాతో పోరాడతాయి. సాధారణంగా అధిక బరువు ఉన్నవారు, షుగర్ ఉన్నవారు సోంపు గింజల్ని తింటే... విటమిన్ సి లభించి టైప్-2 డయాబెటిస్ లెవెల్స్ తగ్గే అవకాశాలున్నాయని ఇటీవల పరిశోధనల్లో తేలింది.
సోంపు గింజల్ని రోజుకు పావు టీస్పూన్ తినడం గానీ లేదా... సూపులు, ఇతర వంటల్లో వేసుకొని తినడం గానీ చేస్తే మంచి ఫలితం వుంటుంది. అయితే ప్రెగ్నెన్సీలో ఉన్నవారు, బాలింతలు సోంపు గింజల్ని తినవద్దని ఆరోగ్య నిపుణులు సూచిస్తున్నారు.
