ఉసిరి నూనె జుట్టు నెరవడాన్నిఅడ్డుకుంటుంది జుట్టు రాలడాన్ని క్రమంగా తగ్గిస్తుంది. ఈ నూనె వాడడం వల్ల జుట్టుకి మంచి పోషకాలు అందుతాయి.
మెంతుల్ని రాత్రంతా నీళ్లలో నానబెట్టి మెత్తటి పేస్ట్‌లా గ్రైండ్‌ చేయాలి. ఈ పేస్ట్‌ను మాడుకి పట్టించి అరగంట తర్వాత నీళ్లతో కడిగేయాలి. ఇలా చేస్తే చుండ్రు తగ్గుముఖం పడుతుంది.
గుడ్డు తెల్లసొనను తలకు పట్టించి అరగంట తర్వాత కడిగేయాలి. ఇలా చేయడం వల్ల జుట్టు రాలడం తగ్గిపోవడమే కాకుండా పోషకాలు అందుతాయి. గుడ్డులో ఉండే ప్రొటీన్‌ వల్ల జుట్టుకి తగిన పోషకాలు లభిస్తాయి.
చుండ్రు వల్ల జుట్టు పెరుగుదల ఆగిపోవడమే కాకుండా జుట్టు ఎక్కువగా రాలిపోతుంది. కాబట్టి ముందు చుండ్రును పోగొట్టాలి. అప్పుడు జుట్టు రాలడం దానంతదే తగ్గిపోతుంది.
మెంతులతో తయారు చేసే టీ ఆరోగ్యానికే కాకుండా జుట్టు పెరుగుదలకు కూడా ఎంతో దోహదం చేస్తుంది. రోజూ మెంతుల టీ తాగితే మంచి ఫలితం ఉంటుంది.
