కరోనావైరస్ ఇప్పుడు ఎవరిని ఎలా పట్టుకుంటుందో తెలియడంలేదు. ముఖ్యంగా విటమిన్ డి లోపం వున్నవారిని ఇది వేగంగా పట్టుకుంటుందని అంటున్నారు. ఐతే దీనికి సంబంధించి ఇంకా స్పష్టతలేదు. ఐతే విటమిన్ డి కోసం ఈ ఆహార పదార్థాలను తీసుకుంటే మంచిదని అంటున్నారు వైద్య నిపుణులు. విటమిన్ డి శరీరంలో కావలసినంత వుంటే కరోనావైరస్ ను అడ్డుకోవచ్చంటున్నారు వైద్యులు. ఆ పదార్థాలు ఏమిటో చూద్దాం.
కోడిగుడ్లు: గుడ్డులోని తెల్లసొనలో ప్రోటీన్ అధికంగా ఉంటుంది. గుడ్డు సొనలో విటమిన్లు, ఖనిజ మరియు ఒమేగా -3 కొవ్వులకు అద్భుతమైన మూలం. గుడ్డు సొనలు ఆరోగ్యాన్ని మెరుగుపర్చడానికి సహాయపడే అనేక పోషకాలతో పాటు అధిక మొత్తంలో ఫోలేట్, విటమిన్ బి 12ను కలిగి ఉంటాయి. కాబట్టి కోడుగుడ్డును తీసుకోవడం మంచిది.
సాల్మన్ చేప: సాల్మన్ చేపలో విటమిన్ డి పుష్కలంగా వుంటుంది. సాల్మన్‌లో ఒమేగా -3 కొవ్వులు, ప్రోటీన్, పొటాషియం మరియు ఇతర పోషకాలు కూడా పుష్కలంగా ఉన్నాయి. అందువల్ల ఈ చేపలను తినడం వల్ల ఇమ్యునిటీ పవర్ పెరుగుతుంది.
పుట్టగొడుగులు: ఈ కాలంలో పుట్టగొడుగులు పుష్కలంగా లభిస్తుంటాయి. వీటిలో విటమిన్ డి వుంటుంది. కాబట్టి వీటిని కూడా తీసుకోవాలి. అలాగే విటమిన్ డి వున్న ఆవు పాలు, నారింజ రసం, తృణధాన్యాలు వంటివి తీసుకుంటూ వుంటే విటమిన్ డి మాత్రలను మింగాల్సిన అవసరం వుండదు.
