పిల్లల పెంపకం అనేది సంతోషాలు, సవాళ్లతో కూడుకున్నదిగా ఉంటుంది. వాటితో పాటుగా ఎదుగుదలకు అనంతమైన అవకాశాలతో నిండిన ప్రయాణాన్ని కూడా అందిస్తుంది. మీ పిల్లలకు టైప్ 1 డయాబెటిస్ ఉన్నట్లు నిర్ధారణ అయినప్పుడు, పిల్లల పెంపకం అనే సాహసం ఒక ప్రత్యేక మలుపు తీసుకుంటుంది. ప్యాంక్రియాస్‌కు చెందిన ఇన్సులిన్-ఉత్పత్తి చేసే కణాలపై రోగనిరోధక వ్యవస్థ ప్రభావం టైప్ 1 డయాబెటిస్‌గా వర్గీకరించబడుతోంది. ఇలాంటి పరిస్థితి ఉంటే రక్తంలో చక్కెర స్థాయిలపై నిలకడతో కూడిన శ్రద్ధ అవసరం. మీ పిల్లలు టైప్ 1 డయాబెటిస్‌తో ఉన్నప్పటికీ, పూర్తి, ఆరోగ్యకరమైన జీవితాన్ని గడపగలరని గుర్తించడం చాలా ముఖ్యం. రోజువారీ వ్యాయామానికి ప్రాధాన్యత ఇవ్వడం వంటి మీ పిల్లల శ్రేయస్సును నిర్ధారించే ఈ వైద్య పరిస్థితిని నిర్వహించే అంశాలపై దృష్టి సారించడం కీలకం.
అంకుర హాస్పిటల్ ఫర్ ఉమెన్ & చిల్డ్రన్స్(హైదరాబాద్) పీడియాట్రిక్ ఎండోక్రినాలజిస్ట్ డాక్టర్ రాహుల్ రెడ్డి చింతల మాట్లాడుతూ, “టైప్ 1 డయాబెటిస్ ఉన్న పిల్లల రోజువారీ దినచర్యలో శారీరక శ్రమను చేర్చడం వారి ఆరోగ్యం, శ్రేయస్సుకు సంబంధించి చాలా ముఖ్యమైంది. 30 నిమిషాల నిర్మాణాత్మక వ్యాయామ నియమాన్ని పాటించడం అనేది పిల్లల రక్తంలో చక్కెర నియంత్రణను సానుకూలంగా ప్రభావితం చేస్తుంది. అంతేకాకుండా, వారు ఇన్సులిన్‌కు స్పందించే తీరును మెరుగుపరుస్తుంది. ఆరోగ్యకరమైన జీవనశైలికి మద్దతు ఇస్తుంది. మధుమేహం నిర్వహణను సులభతరం చేసే పురోగతిని పాటించడం ద్వారా మధుమేహ ప్రయాణాన్ని కొనసాగించడంలో పిల్లలకు బాగా సహాయపడవచ్చు. ఉదాహరణకు, తల్లిదండ్రులు కంటిన్యుయస్ గ్లూకోజ్ మానిటరింగ్ (CGM) పరికరాలను ఉపయోగించుకోవచ్చు. పగలు, రాత్రి గ్లూకోజ్ స్థాయిలను కొలవవచ్చు. ఇవి భోజనం, శారీరక శ్రమ, ఇన్సులిన్ మోతాదుల వంటి అంశాలకు రక్తంలో చక్కెర స్థాయిలు ఎలా స్పందిస్తాయనే దానిపై నిజ-సమయ డేటాను అందిస్తాయి”’ అని అన్నారు.
డాక్టర్ ప్రశాంత్ సుబ్రమణియన్, మెడికల్ అఫైర్స్ హెడ్, ఎమర్జింగ్ ఆసియా & ఇండియా, డయాబెటిస్ కేర్, అబాట్ ఇలా అన్నారు, “డయాబెటిస్‌ను నిర్వహించడం ఎవరికైనా సవాలుగా ఉంటుంది. పిల్లల విషయానికి వస్తే, తల్లిదండ్రులు తమ పిల్లల ఆరోగ్యాన్ని జాగ్రత్తగా చూసుకోవడంలో ముఖ్యమైన పాత్ర పోషిస్తారు. వారికి సాధికారత కల్పించడానికి, మధుమేహ నిర్వహణ ప్రక్రియను తక్కువ సంక్లిష్టంగా చేయడంలో సహాయ పడటానికి, సీజీఎం పరికరాల రూపంలో సాంకేతికత సారథ్యంలోని పరిణామాలు ఉపయోగకరంగా ఉన్నాయి. ఇవి మినిమల్లీ ఇన్వాసివ్ (చాలా తక్కువ స్థాయిలో శరీరంలోకి చొచ్చుకెళ్లడం)గా ఉంటాయి. నొప్పిలేకుండా పిల్లల గ్లూకోజ్ స్థాయిలను ట్రాక్ చేస్తాయి. ఇంకా, స్మార్ట్‌ ఫోన్‌లతో తిరుగులేని ఏకీకరణ ద్వారా, అవి డిజిటల్ కనెక్షన్‌ని సృష్టిస్తాయి. తద్వారా తల్లిదండ్రులు సులభంగా పర్యవేక్షించగలరు. నిజ సమయంలో, డేటా, విజువల్ గ్రాఫ్‌ల ద్వారా రక్తంలో ఆకస్మికంగా చక్కెర పెరగడం లేదా తగ్గడం గురించి సమాచారాన్ని ఎప్పటికప్పుడు తెలుసుకోవచ్చు. ఇది ఒక విలువైన సాధనం. ఎలివేటెడ్ గ్లూకోజ్ స్థాయిల కోసం ఖచ్చితమైన ఇన్సులిన్ మోతాదులను లెక్కించే వీలును తల్లిదండ్రులకు అందిస్తుంది. అదే సమయంలో ఆందోళనలను సులభతరం చేస్తుంది, ఎక్కువ విశ్వాసాన్ని ప్రేరేపిస్తుంది.
నేటి ప్లగ్డ్-ఇన్ ప్రపంచంలో, మీ పిల్లల జీవితంలో శారీరక శ్రమను చేర్చడం చాలా కష్టం. అదృష్టవశాత్తూ, క్రింది గేమ్ ప్లాన్- నాలుగు సాధారణ దశలతో - మీ బిడ్డ ఆరోగ్యంగా, చురుగ్గా ఉన్నట్లు నిర్ధారించుకోవడాన్ని సులభతరం చేయవచ్చు:
1. మీరు చురుగ్గా ఉండటానికి సహాయపడే సరదా కార్యకలాపాలను గుర్తించండి
పిల్లలను చురుకుగా ఉంచడానికి సులభమైన మార్గం వారికి ఆసక్తి కలిగించే వ్యాయామాలను కనుగొనడం. టీమ్ స్పోర్ట్ కోసం సైన్ అప్ చేయడం ఒక రొటీన్‌ను ఏర్పాటు చేయడంలో సహాయపడుతుంది. ఈ కార్యకలాపాలలో సైకిల్ తొక్కడం, డ్యాన్స్ చేయడం, క్రికెట్ ఆడటం లేదా స్నేహితులు లేదా కుటుంబ సభ్యులతో కలిసి ఖోఖో లేదా కబడ్డీ వంటి ఆటలను ఆస్వాదించడం కూడా ఉండవచ్చు.
పిల్లలు ఒంటరిగా ఉన్నారని, వారి అనారోగ్యం కారణంగా వ్యాయామం చేయాల్సిన అవసరం ఉందని భావించకుండా ఉండటానికి, దానిని కుటుంబ వ్యవహారంగా మార్చండి. ఇది అనుబంధం పెంచుకునేందుకు ఒక ఆహ్లాదకరమైన మార్గం. ఇది ప్రతి ఒక్కరినీ తగు ఆకృతిలో ఉంచుతుంది. అలాగే, టైప్ 1 డయాబెటీస్ ఉన్న పిల్లలకు విశ్రాంతి చాలా ముఖ్యం కాబట్టి ఏదైనా పని చేస్తే అందుకు తగిన నిద్ర కూడా ఉండాలనే విషయాన్ని గుర్తించాలి.
2. రక్తంలో చక్కెరను క్రమం తప్పకుండా తనిఖీ చేయండి
ముందుగా, మీ రన్నింగ్ షూలను ధరించే ముందు, మీ గ్లూకోజ్ స్థాయిలను తనిఖీ చేయండి. తదుపరి తీసుకోవాల్సిన ఇన్సులిన్ మోతాదును నిర్ణయించడంలో మానిటరింగ్ సహాయపడుతుంది. ఫ్రీస్టైల్ లిబ్రే వంటి నిరంతర గ్లూకోజ్ మానిటరింగ్ పరికరాలతో మీరు దీన్ని సులభంగా చేయవచ్చు. అలాంటి పరికరాలు మొబైల్ ఫోన్ యాప్‌లకు కూడా లింక్ చేస్తాయి. ఇవి మీ రీడింగ్‌లకు యాక్సెస్‌ని అందిస్తాయి. ఇది మీ పిల్లల ఆరోగ్యంపై ఒత్తిడి లేదా ఇతర జీవనశైలి ప్రవర్తన యొక్క ఏదైనా ప్రభావాన్ని గమనించడానికి మీకు వీలు కల్పిస్తుంది. దీని వలన మీరు ఆరోగ్యకరమైన నిర్ణయాలు తీసుకోవచ్చు. ఎక్కువ సమయం (70-180 mg/dL)లో గడపవచ్చు.
3. ఎల్లప్పుడూ స్టాండ్‌బైలో స్నాక్స్ ని కలిగి ఉండండి
వ్యాయామం కోసం సిద్ధం కావడానికి, మీ రక్తంలో గ్లూకోజ్ స్థాయిలు 100 mg/dl కంటే తక్కువగా ఉన్నట్లయితే - ముఖ్యంగా మీ పిల్లలు 30 నిమిషాలు లేదా అంతకంటే ఎక్కువసేపు బయట ఎక్కడైనా తిరగాలని అనుకుంటే చురుకుగా ఉండేందుకు ముందు సుమారుగా 15 గ్రాముల కార్బోహైడ్రేట్‌లను(గ్రానోలా బార్ రూపంలో) తీసుకోవాలని నిపుణులు సిఫార్సు చేస్తారు. అయితే, కొన్నిసార్లు, షుగర్ స్థాయిలు పడిపోకుండా ఉండటానికి వ్యాయామానికి ముందు అల్పాహారం సరిపోదు. వ్యాయామం చేయనప్పుడు కూడా చేతిలో స్నాక్స్ కిట్‌ని కలిగి ఉండటం తెలివైనపని. ఎందుకంటే పిల్లలు ఎప్పుడు యాక్టివ్‌గా ఉంటారనే విషయం మీకూ తెలియదు.
4. డయాబెటిస్ జర్నల్ ఉంచండి
మీరు ప్రతిసారీ జర్నల్‌ను పొందలేకపోవచ్చు, దాని గురించి పెద్దగా బాధపడాల్సిన అవసరం లేదు. మీ పిల్లల చక్కెర స్థాయిలు వివిధ ఆహారాలు, కార్యకలాపాలకు ఎలా స్పందిస్తాయో అర్థం చేసుకోవాలి. ప్రతి అనుభవం నుండి నేర్చుకోవడం ముఖ్యమైన విషయం. ప్రత్యేకించి మీ బిడ్డ మొదట కొత్త వ్యాయామ దినచర్యను ప్రారంభించినప్పుడు, మీరు తరచుగా తనిఖీ చేస్తూ ఉండాలి. వారి రక్తంలోని గ్లూకోజ్ స్థాయిలు, వారు తినే ఆహారం, వారు చేసే వ్యాయామాలను టైమ్ స్టాంపులతో డాక్యుమెంట్ చేయండి. ఈ విధంగా, మీరు ఏది పని చేస్తుంది, ఏది పని చేయదు అనేదానిపై మీ గేమ్ ప్లాన్ ఆధారపడి ఉండేలా చేసుకోగలుగు తారు. అంటే అల్పాహార సమయాన్ని మార్చడం లేదా మార్నింగ్ జాగ్ లేదా సాయంత్రం నడకను రీషెడ్యూల్ చేయడం వంటివి. మీ పిల్లల నియమావళిలో మార్పులు చేసే ముందు లేదా మీకు ఏవైనా సందేహాలు ఉంటే ఎల్లప్పుడూ వైద్యుడిని సంప్రదించండి.
గుర్తుంచుకోండి, మధుమేహం ఉన్న పిల్లలు ఆ పరిస్థితి కారణంగా పరిమితులు విధించుకోవాల్సిన అవసరం లేదు. ఇలాంటి చిట్కాలతో, వారి బ్లడ్ షుగర్ లెవెల్స్ సరిగా లేనప్పుడు మీరు వారి జీవితాల్లో సులభంగా యాక్టివిటీని చొప్పించవచ్చు. మొత్తం కుటుంబాన్ని ముందుకెళ్లేలా చూసుకోవచ్చు.
