ఇపుడు దాదాపు ఒమిక్రాన్ వేరియంట్ ప్రతి ఒక్కరినీ పట్టుకుంటోంది. ఈ వైరస్ దెబ్బకి వళ్లంతా కుళ్లబొడిచిన ఫీలింగ్. విపరీతమైన జ్వరం, పొడిదగ్గు. ఐతే ఈ లక్షణాలు ఒక్కొక్కరిలో ఒక్కోలా కనిపిస్తున్నాయి. ఇదిలావుంటే.. ఒమిక్రాన్ బారిన పడినవారు ఎలాంటి ఆహారం తీసుకోవాలన్న సందేహం ఎక్కువగా వుంటుంది.
ఒమిక్రాన్ లక్షణాలను తగ్గించడానికి కొన్ని ఆహారాలు సహాయపడతాయి. గొంతు నొప్పిని తగ్గించగలవి సూప్‌లు. మింగడం కష్టంగా ఉన్నప్పుడు ఖిచ్డీ లేదా సూప్‌ల వంటి మృదువైన ఆహార పదార్థాలను ఇవ్వవచ్చు. విటమిన్ సి పుష్కలంగా ఉండే ఉసిరి వంటి పండ్లను రోజూ తీసుకోవచ్చు. కొబ్బరి నీరు, అరటిపండ్లు ఇవ్వవచ్చు.
ప్రోటీన్ ఆహారం కోసం గుడ్లు, పెరుగు, పాలు, పనీర్, చికెన్, చేపలు, పప్పులు తీసుకోవచ్చు. విటమిన్ సి కోసం ఉసిరి, నిమ్మ, నారింజ, జామ మొదలైనవి తినవచ్చు. జింక్ సప్లిమెంట్ల కోసం జీడిపప్పు, గుడ్డు, పాలకూర, పప్పు, పాలు తీసుకోవాలి. కొవ్వుల కోసం వాల్‌నట్‌లు, కొవ్వు చేపలు, అవిసె గింజలు వంటివి తీసుకోవాలి.
శరీరాన్ని మంచి హైడ్రేటెడ్ స్థితిలో మనల్ని మనం కాపాడుకోవడానికి రోజుకు 2-3 లీటర్ల నీటిని తాగుతూ వుండాలి. ఇలా తీసుకుంటూ వుంటే... శరీరంలో రోగనిరోధక శక్తి బలోపేతమై ఒమిక్రాన్ బారిన పడినా బయటపడవచ్చు.
