జున్ను పాలు ఆవు లేదా గేదె ప్రసవించినప్పుడు మొదటిసారిగా వచ్చే పాలు. సాధారణ పాలను కూడా బాగా మరగకాచితే కూడా జున్ను తయారుచేసుకోవచ్చును. ఈ జున్నులో పాలకంటే అధిక మోతాదులో పోషక విలువలు ఉన్నాయి. అవేమిటో తెలుసుకుందాము.
బక్కగా, సన్నగా ఉండేవారు జున్ను తింటుంటే వళ్లు చేస్తారు.
జున్నులోని ప్రోటీన్స్ శరీరానికి కావలసిన ఎనర్జీని అందిస్తాయి, జున్ను తింటే జ్ఞాపకశక్తి కూడా పెరుగుతుంది.
జున్నులో క్యాల్షియం ఎక్కువగా ఉంటుంది, ఇది ఎముకలు, దంతాల బలానికి ఎంతో దోహదపడుతుంది.
గర్భిణి స్త్రీలు జున్నులో కొద్దిగా చక్కెర లేదా తేనె కలిపి తీసుకుంటే శిశువు ఆరోగ్యానికి ఎంతో సహాయపడుతుంది.
తల్లిపాలు సరిగాపడని బాలింతలు జున్ను తింటే తల్లిపాలు వృద్ధి చెందుతాయి.
జున్నులోని విటమిన్ బి2, ఎ, కె, డి వంటివి జీవక్రియలు సరిగ్గా జరిగేలా చేస్తాయి.
జున్ను తీసుకోవడం ద్వారా చర్మం సౌందర్యం కూడా రెట్టింపవుతుంది.
జున్ను మరీ ఎక్కువగా తినడం వల్ల అధిక కొలెస్ట్రాల్, అధిక రక్తపోటుకు దారితీయవచ్చు.
మితిమీరి జున్ను తింటే అది హృదయ సంబంధ వ్యాధుల ప్రమాదాన్ని పెంచుతుంది.
