Select Your Language

Notifications

webdunia
webdunia
webdunia
webdunia
Advertiesment

బెండకాయలు నానబెట్టిన నీటిని తాగితే?

బెండకాయలు నానబెట్టిన నీటిని తాగితే?
, గురువారం, 22 ఆగస్టు 2019 (14:06 IST)
చిన్నా పెద్దా తేడా లేకుండా చాలా మంది బెండకాయను ఇష్టపడతారు. ఈ కూరగాయ మనకు అనేక పోషకాలను అందిస్తుంది. పలు రోగాలు రాకుండా చూస్తుంది. కొన్ని వ్యాధులకు మందులా పని చేస్తుంది.


బెండకాయను నీటిలో నానబెట్టి ఆ నీటిని త్రాగితే అనేక ప్రయోజనాలు ఉంటాయని నిపుణులు చెబుతున్నారు. చిన్న బెండకాయలు రెండు లేదా మూడు తీసుకుని వాటిని బాగా కడిగి చివర, మొదలు కట్ చేసి తీసెయ్యాలి. 
 
బెండకాయలను నిలువుగా కట్ చేసి అవి మునిగేలా పాత్రలో నీటిని పోయాలి. ఇలా రాత్రంతా బెండకాయ ముక్కల్ని నీటిలో ఉంచితే అవి బాగా నాని వాటిలోని పోషకాలన్నీ నీటిలోకి చేరతాయి. ఉదయాన్నే బెండకాయ ముక్కల్ని తీసేసి ఆ నీటిని తాగితే ఆరోగ్యం మన సొంతమవుతుంది. ఈ నీటిని తాగడం వలన మన పొట్టలోని పేగులు, జీర్ణాశయం శుభ్రపడతాయి. 
 
ఎసిడిటీ, గ్యాస్, మలబద్దకం వంటి సమస్యలు దూరమవుతాయి. బెండకాయల్లో ఫైబర్ పుష్కలంగా ఉంటుంది. కాబట్టి ఆ నీరు త్రాగితే తీసుకున్న ఆహారం సక్రమంగా జీర్ణం అవుతుంది. ఇంకా ఈ నీటిని తాగడం వలన రక్త ప్రసరణ బాగా జరిగి హైబీపీ తగ్గుతుంది. గుండె పని తీరు మెరుగుపరిచేందుకు కూడా ఈ నీరు ఎంతగానో దోహదపడుతుంది. 
 
టైప్2 డయాబెటిస్ ఉన్న వారిలో షుగర్ లెవెల్స్ కంట్రోల్‌లో ఉంచడానికి బెండకాయ నీరు సహాయపడుతుంది. కంటి చూపుని మెరుగుపరుస్తుంది. చర్మ సమస్యలు, జుట్టు రాలే సమస్యలను నివారిస్తుంది. మెదడు కూడా చురుగ్గా పనిచేస్తుంది.

Share this Story:

Follow Webdunia telugu

తర్వాతి కథనం

రుతుక్రమ నొప్పులకు చెక్ పెట్టే దాల్చిన చెక్క