టీ అనేది కేవలం పానీయం కంటే ఎక్కువ; ఇది చరిత్రతో మిళితమైన ఒక ఆచారం. ప్రపంచవ్యాప్తంగా లక్షలాది మందికి ఆహ్లాదాన్ని పంచే ఒక అనుభవం. అయితే, మనం టీ తాగుతున్నప్పుడు, మనం వేసే ప్రతి గుటక లోనూ దాని స్వచ్ఛత , ప్రామాణికతను తరచుగా విస్మరిస్తుంటాము. విడిగా విక్రయించే (లూజ్)టీలో కల్తీ సమస్య ఒక ముఖ్యమైన ఆందోళనగా ఉద్భవించింది, ఇది ఈ ప్రియమైన పానీయం యొక్క నాణ్యతను దెబ్బతీసే ప్రమాదం అధికంగా ఉంది. కల్తీతో సంబంధం ఉన్న నష్టాలను అర్థం చేసుకోవడం, నిజమైన లూజ్ టీని ఎలా గుర్తించాలో తెలుసుకోవడం ప్రామాణికమైన, సురక్షితమైన టీ అనుభవాన్ని నిర్ధారించడానికి చాలా ముఖ్యమైనది.
టీలో కల్తీని అర్థం చేసుకోవడం
టీలో కల్తీ అనేది టీ ఆకులకు హానికరమైన పదార్థాలను జోడించడంతో జరుగుతుంది. తరచుగా రంగు లేదా రుచికి సంబంధించి టీ రూపాన్ని పెంచే ఉద్దేశ్యంతో ఇది జరుగుతుంది. ఈ మోసపూరిత అభ్యాసంలో అనధికార రంగులు, రుచులు లేదా ఇతర మొక్కల పదార్థాల వాడకం ఉండవచ్చు, ఇది శిక్షణ లేని కంటికి లేదా ముక్కుకు టీని మరింత ఆకర్షణీయంగా అనిపించేలా చేస్తుంది. అయితే, ఈ సంకలనాలు టీ స్వచ్ఛతను దెబ్బతీయడమే కాకుండా గణనీయమైన రీతిలో ఆరోగ్య ప్రమాదాలను కూడా కలిగిస్తాయి. ఉదాహరణకు, కార్మైన్, బ్రిలియంట్ బ్లూ, సన్‌సెట్ ఎల్లో మరియు టార్ట్రాజిన్ వంటి సింథటిక్ రంగులు కొన్నిసార్లు దెబ్బతిన్న లేదా తక్కువ నాణ్యత గల టీ ఆకుల రూపాన్ని మెరుగుపరచడానికి కలుపుతారు. అయితే, ఈ పదార్థాలను టీ ఆకులకు కలపటానికి అనుమతించబడవు. ఈ పదార్థాలను తింటే అది ఆరోగ్యానికి హానికరం కావచ్చు.
ఈ కల్తీ పద్ధతుల గురించి అవగాహన పెంచడంలో టీ బోర్డ్ ఆఫ్ ఇండియా చురుగ్గా వ్యవహరిస్తోంది. దురదృష్టవశాత్తు భారత మార్కెట్‌లో పట్టు సాధించిన రసాయనికంగా రంగు వేసిన టీల వల్ల కలిగే ప్రమాదాలను గురించి బోర్డు నొక్కి చెబుతుంది. టీలో సింథటిక్ రంగులను ఉపయోగించడం నిబంధనల ప్రకారం ఖచ్చితంగా నిషేధించబడింది, అయినప్పటికీ అవి ఇప్పటికీ ఆందోళనకరంగానే కొన్ని రకాల టీలలో కనిపిస్తున్నాయి. ఈ కల్తీలను తరచుగా ప్రాసెసింగ్ సమయంలో దెబ్బతిన్న టీ ఆకులను మెరుగ్గా కనిపించటానికి ఉపయోగిస్తారు, పోషక విలువలు లేకపోయినా అవి ఈ టీ ఆకులను మరింత మార్కెట్ చేయదగినవిగా చేస్తాయి.
టీకి రంగులు ఎందుకు కలుపుతారు?
టీలో సంకలనాలు, కలరింగ్ ఏజెంట్లను ఉపయోగించడానికి ప్రధాన కారణం టీ తయారీ ప్రక్రియలో దెబ్బతిన్న ఆకులు మెరుగ్గా కనిపించేలా చేయటం. టీ బోర్డ్ ఆఫ్ ఇండియా వెల్లడించే దాని ప్రకారం, ఈ దెబ్బతిన్న ఆకులు తక్కువ నాణ్యత కలిగి ఉంటాయి. వాటిని మార్కెట్ చేయడానికి, వాటి రంగును పెంచడానికి సంకలితాలను కలుపుతారు. అయితే, ఈ సంకలనాలు టీకి ఎటువంటి పోషక విలువలను జోడించవు, పైగా వాటి ఆరోగ్య ప్రమాదాల కారణంగా ఖచ్చితంగా నిషేధించబడ్డాయి. ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్ఎస్ఎస్ఏఐ) టీలో కలరింగ్ పదార్థాల వాడకం అనుమతించబడదని స్పష్టం చేసింది. కలరింగ్ ఏజెంట్లతో టీ తయారీ కల్తీల విభాగంలోకి వస్తుంది, అలాంటి పద్ధతులు తీవ్రమైన ఆందోళన కలిగించే విషయంగా మారాయి.
అతి చల్లని నీటి పరీక్ష ద్వారా కల్తీ టీని గుర్తించడం
సరళమైనప్పటికీ ప్రభావవంతమైన పరీక్ష వదులుగా ఉన్న టీ యొక్క ప్రామాణికతను వెల్లడించడంలో సహాయపడుతుంది. స్పష్టమైన గ్లాసు నీటిలో కొద్ది మొత్తంలో టీ ఉంచండి. నిజమైన టీ ఆకులు క్రమంగా విప్పుకుంటాయి, విస్తరిస్తాయి, అవి నీటిలో నానే కొద్దీ వాటి సహజ రంగు నెమ్మదిగా విడుదల అవుతుంది. టీ ఆకులు మారకపోతే లేదా నీరు త్వరగా అసహజ రంగులోకి మారితే, ఇది కృత్రిమ రంగులు లేదా ఇతర సంకలనాలు జోడించబడటానికి సంకేతం కావచ్చు. సరైన ఇన్ఫ్యూషన్ ఫలితంగా స్పష్టమైన నీరు లో టీ ఆకులు విప్పారటం కనిపిస్తుంది, అలాగే నీటిలో నానుతున్న కొద్దీ టెక్చర్ కూడా మారుతుంది.
లూజ్ టీ vs ప్యాకేజ్డ్ టీ
ముఖ్యంగా ధృవీకరించని మూలాల నుండి కొనుగోలు చేసినప్పుడు, లూజ్ టీ వల్ల కల్తీ ప్రమాదం ఎక్కువగా ఉంటుంది. దాని బల్క్ సేల్, వివరణాత్మక లేబులింగ్ లేకపోవడం నాణ్యత, ప్రామాణికతను అంచనా వేయడం కష్టతరం చేస్తుంది. దీనికి విరుద్ధంగా, ప్రసిద్ధ ప్యాకేజ్డ్ టీ బ్రాండ్లు సాధారణంగా వారి ఉత్పత్తులు నిజమైనవని నిర్ధారించుకోవడానికి కఠినమైన నాణ్యత నియంత్రణ చర్యలలో పెట్టుబడి పెడతాయి. ఈ బ్రాండ్లు తరచుగా వారి సోర్సింగ్, ప్రాసెసింగ్ పద్ధతుల గురించి సమగ్ర సమాచారాన్ని అందిస్తాయి, వినియోగదారులకు వారి కొనుగోళ్లలో ఎక్కువ విశ్వాసం, పారదర్శకతను అందిస్తాయి.
మూలాన్ని పరిశోధించడం
మీ టీ నాణ్యతను నిర్ధారించడం ప్రసిద్ధ, విశ్వసనీయ వనరుల నుండి కొనుగోలు చేయడంతో ప్రారంభమవుతుంది. తమ సోర్సింగ్ ప్రక్రియల గురించి పారదర్శకంగా ఉండే, మూడవ పక్ష పరీక్షలను ఉపయోగించే బ్రాండ్లు సాధారణంగా మరింత నమ్మదగినవి, కల్తీ ఉత్పత్తులను అందించే అవకాశం తక్కువ. సందేహాస్పదమైన టీలను నివారించడానికి, టీ యొక్క మూలాన్ని, సరఫరాదారు యొక్క విశ్వసనీయతను పరిశోధించండి. టీ యొక్క ప్రామాణికత, నాణ్యతను ధృవీకరించే ధృవపత్రాలు, కస్టమర్ సమీక్షల కోసం చూడండి. విశ్వసనీయ సరఫరాదారులు సాధారణంగా వారి సోర్సింగ్ పద్ధతులు, నాణ్యత నియంత్రణ పద్ధతుల గురించి వివరణాత్మక సమాచారాన్ని అందిస్తారు, మీ కొనుగోలు గురించి మీకు మనశ్శాంతిని అందిస్తారు.
సమాచారంతో కూడిన ఎంపికలు చేసుకోవడం
టీ ప్రియులకు, లూజ్ టీలో కల్తీ వల్ల కలిగే నష్టాలను అర్థం చేసుకోవడం, తమ టీ అనుభవం యొక్క ప్రామాణికతను కాపాడుకోవడానికి చాలా కీలకం. కల్తీ సంకేతాలను గుర్తించడం, లూజ్ టీ, ప్యాక్ చేసిన టీ మధ్య తేడాను గుర్తించడం నేర్చుకోవడం ద్వారా, వినియోగదారులు మరింత సమాచారంతో కూడిన నిర్ణయాలు తీసుకోవచ్చు. అధిక-నాణ్యత, అసలైన టీ కోసం మార్కెట్‌కు మద్దతు ఇవ్వవచ్చు. టీ ప్రపంచాన్ని అన్వేషించటానికి, సూక్ష్మ అంశాల పట్ల కూడా శ్రద్ధ చూపటం, కొంత పరిశోధన అవసరం. సరైన జ్ఞానంతో, మీరు ప్రామాణికమైన, ఆహ్లాదకరమైన పానీయాన్ని ఆస్వాదిస్తున్నారని తెలుసుకుని, ప్రతి కప్పును నమ్మకంగా ఆస్వాదించవచ్చు. అప్రమత్తంగా, సమాచారంతో కూడి ఉండటం ద్వారా, మీరు మీ టీ-తాగే అనుభవాన్ని రక్షించుకోవడమే కాకుండా, అధిక-నాణ్యత కలిగిన టీ కోసం ప్రశంసలు, డిమాండ్‌కు కూడా తోడ్పడగలరు.
- డాక్టర్ అడ్డూ కిరణ్మయి, పోషకాహార నిపుణులు, టాటా టీ చక్ర గోల్డ్ జెమిని
