ప్రస్తుతం మార్కెట్‌లో అనేక రకాల టీలు లభిస్తున్న సంగతి తెలిసిందే. అందుబాటులో ఉన్న ప్రతి టీ మనకు ఏదో ఒక రకమైన ఆరోగ్యకర ప్రయోజనాన్ని చేకూర్చుతుంది. అయితే అలాంటి ఆరోగ్యకరమైన టీలలో ఊలాంగ్ టీ కూడా ఒకటి. వాస్తవానికి ఇది చైనీయుల సాంప్రదాయ టీ వెరైటీ.
చాలా పురాతన కాలం నుండి చైనీయులు ఈ ఊలాంగ్ టీని సేవిస్తున్నారు. ఈ రకమైన టీ ప్రస్తుతం బాగా జనాదరణ పొందుతోంది. ఈ టీ తాగడం వల్ల కలిగే లాభాలను ఓ సారి మీరూ చూడండి.
* సాధారణంగా డయాబెటిస్ ఉన్నవారు ఊలాంగ్ టీ తాగితే షుగర్ లెవెల్స్ అదుపులో ఉంటాయి. డయాబెటిస్ కంట్రోల్‌లో ఉంటుంది.
* నిత్యం పని భారంతో ఒత్తిడి, ఆందోళన ఎదుర్కొనే వారు ఊలాంగ్ టీ తాగినట్లయితే మనస్సు ప్రశాంతంగా మారుతుంది. మైండ్ రిలాక్స్ అవుతుంది.
* ఊలాంగ్ టీ తాగడం వల్ల అధిక బరువు తగ్గుతారని పరిశోధనలు చెబుతున్నాయి. ఊలాంగ్ టీ సేవించడం వల్ల మన శరీరంలో కొవ్వు కరిగే రేటు 12 శాతం వరకు పెరుగుతుందట. ఇందువల్ల శరీరంలోని కొవ్వు త్వరగా కరిగి బరువు వేగంగా తగ్గుతారని శాస్త్రవేత్తలు చెబుతున్నారు. కనుక ఊలాంగ్ టీ నిత్యం తాగినట్లయితే అధిక బరువును ఇట్టే తగ్గించుకోవచ్చు.
* శరీరంలో చెడు కొలెస్ట్రాల్ ఎక్కువగా ఉన్నవారు నిత్యం ఊలాంగ్ టీ తాగితే మంచి ఫలితం ఉంటుంది.
* ఊలాంగ్ టీ తాగడం వల్ల మనం తినే ఆహారంలోని కొవ్వును శరీరం శోషించుకోవడం మానేస్తుంది. ఫలితంగా శరీరంలో కొవ్వు పేరుకుపోకుండా ఉంటుంది.
