బరువు తగ్గడానికి సరైన ఆహారం తీసుకోవాలి, డైటింగ్ కాదు. క్రింద తెలిపిన ఆహారాలు తింటుంటే త్వరగా బరువు తగ్గేలా చేస్తాయి. ఆ వివరాలు తెలుసుకుందాము. బాదంపప్పులో ఫైబర్ పుష్కలంగా ఉంటుంది, కాబట్టి ఇది ఆకలి కలిగించదు, అందువల్ల వేగంగా బరువు తగ్గుతారు. సొరకాయలో వివిధ రకాల ప్రొటీన్లు, విటమిన్లు మరియు లవణాలు ఉంటాయి, ఇవి బరువు తగ్గడానికి సహాయపడతాయి.
స్లిమ్‌గా వుండేందుకు మజ్జిగ తాగుతుంటే అందులోని ఆరోగ్యకరమైన బ్యాక్టీరియా, కార్బోహైడ్రేట్లు, లాక్టోస్ ఉన్నాయి, ఇవి రోగనిరోధక శక్తిని పెంచుతాయి. పెరుగు శరీరానికి పోషణనిచ్చి, బరువు తగ్గడానికి సహాయపడుతుంది. పెరుగు తింటే పొట్ట ఎక్కువసేపు నిండుగా ఉంటుంది. ఆహారంలో నిమ్మకాయను ఉపయోగించాలి. ఇది శరీరానికి శక్తిని అందించడంతో పాటు బరువును కూడా తగ్గిస్తుంది.
జీవక్రియ బాగా ఉంటే, బరువు పెరగరు. దీని కోసం గ్రీన్ టీ త్రాగవచ్చు. గ్రీన్ టీ కొవ్వును వేగంగా కరిగిస్తుంది. బరువు తగ్గాలనుకుంటే, ప్రతిరోజూ గోరువెచ్చని నీటిని త్రాగాలి. ఇది మీ శరీరాన్ని డిటాక్స్ చేస్తుంది, జీవక్రియను వేగవంతం చేస్తుంది.
