వేసవిలో కీరదోసకాయను రోజూ తినండి.. లేకుంటే?
వేసవి కాలం వచ్చేసింది.. ఎండలు మార్చిలోనే మండిపోతున్నాయి. వేసవిలో వడదెబ్బ తగలకుండా వుండాలంటే.. పానీయాలను అధికంగా తీసుకోవాలి. జ్యూస్‌లు, పండ్లు, కొబ్బరి నీరును సేవిస్తుండాలి. ముఖ్యంగా ఎండాకాలంలో కీరదోసన
వేసవి కాలం వచ్చేసింది.. ఎండలు మార్చిలోనే మండిపోతున్నాయి. వేసవిలో వడదెబ్బ తగలకుండా వుండాలంటే.. పానీయాలను అధికంగా తీసుకోవాలి. జ్యూస్‌లు, పండ్లు, కొబ్బరి నీరును సేవిస్తుండాలి. ముఖ్యంగా ఎండాకాలంలో కీరదోసను తప్పక తీసుకోవాలి. లేకుండే శరీరం డీ-హైడ్రేషన్‌కు లోనవుతుంది. కీరలో నీటి శాతం ఎక్కువగా ఉంటుంది.
కీరను ప్రతి రోజు తీసుకోవడం వల్ల శరీరం తేమను కోల్పోదు. పొట్ట శుభ్రపడుతుంది. కిడ్నీలోని రాళ్లను కరిగించడంలో బాగా పనిచేస్తుంది. వేసవిలో ప్రతిరోజూ రెండు గ్లాసుల కీరదోస జ్యూస్ తాగితే అల్సర్ దూరమవుతుంది. వేసవిలో పండ్లతో చేసిన సలాడ్స్‌లో కీర ముక్కలు తీసుకోవడం మంచిది. కీరదోసలో పాస్పరస్‌, విటమిన్లు, పోటాషియం, నీటి శాతం, మెగ్నీషియం, మినరల్స్‌, జింక్‌, ఐరన్‌, కాల్షియంలు పుష్కలంగా ఉంటాయి.
చర్మాన్ని సంరక్షించే ఎన్నో రకాల ఔషధ గుణాలు కీరదోసకాయల్లో ఉన్నాయి. కీరతో జీర్ణక్రియ మెరుగుపడుతుంది. క్యాలరీలు తక్కువ ఉండడం చేత కీరదోసకాయ బరువు తగ్గాలనుకునే వారికి చక్కగా ఉపయోగించుకోవచ్చు. దృష్టి సంబంధ సమస్యలను కీరదోసకాయ దూరం చేస్తుంది. కళ్ల కింద ఏర్పడే నల్లని వలయాలను కీరదోస దూరం చేస్తుంది. మధుమేహం, కొలెస్ట్రాల్‌లను తగ్గించేందుకు కీరదోస ఉపయోగపడుతుంది. దీన్ని నిత్యం తీసుకుంటే బీపీ కూడా అదుపులోకి వస్తుందని ఆరోగ్య నిపుణులు సూచిస్తున్నారు.
