మహిళల్లో వయస్సు పెరిగే కొద్దీ కొంతమందికి రొమ్ము క్యాన్సర్ వచ్చే ప్రమాదం పెరుగుతుంది. ప్రతి సంవత్సరం రొమ్ము క్యాన్సర్‌తో బాధపడుతున్న మహిళల్లో 80% మంది 45 లేదా అంతకంటే ఎక్కువ వయస్సు ఉన్నవారు వ్యాధిగ్రస్తుల జాబితాలో వుంటున్నారు.
అలాగే 43% మంది 65 లేదా అంతకంటే ఎక్కువ వయస్సు గలవారుగా వుంటున్నారు. 40 నుండి 50 సంవత్సరాల వయస్సు గల స్త్రీలలో, 69 మందిలో ఒకరికి రొమ్ము క్యాన్సర్ వచ్చే ప్రమాదం ఉంది. 50 నుండి 60 సంవత్సరాల వయస్సు వరకు, ఆ ప్రమాదం 43 మందిలో ఒకరికి పెరుగుతుంది. కనుక 40 ఏళ్లు దాటిన తర్వాత దీని గురించి పరీక్షలు చేయించుకుంటూ వుండాలి. మహిళలు రజస్వల అయిన అనంతరం నెలకు రెండుసార్లు చొప్పున తమ వక్షోజాలను పరిశీలిస్తూ వుండాలి.
రొమ్ము కేన్సర్ లక్షణాలు ఏమిటి?
వక్షోజంపై ప్రత్యేకించి ఒక ప్రదేశంలో చర్మం రంగు మారిందా?
చనుమొన నుంచి రక్తం స్రవిస్తోందా?
వక్షోజంలో అల్సర్‌ ఉందా?
వక్షోజం రంగు పాలిపోయిన నారింజ రంగులోకి మారిందా?
వక్షోజం ఒకవైపు నుంచి మరోవైపుకు కదులుతోందా? లేదా?
వక్షోజంలో గడ్డలు, కణుతులు వంటివి ఉన్నాయా?
ఒకవేళ ఏమైనా గడ్డవుంటే, దానిపై చర్మం కదులుతోందా? గట్టిగా కదలకుండా ఉందా?
గొంతు, మెడ, చంకల వద్ద ఏమైనా గడ్డలుగాని కణుతులుగాని ఉన్నాయా?
నొప్పిగా ఉందా?
ఈ అంశాలలో ఏ ఒక్కటి గుర్తించినా వెంటనే కేన్సర్ స్పెషలిస్టును సంప్రదించండం తప్పనిసరి.
