Publish Date: Fri, 19 Sep 2008 (13:50 IST)
Updated Date: Fri, 19 Sep 2008 (13:48 IST)
పిల్లలూ...! "యాపిల్ కంపెనీ" పేరు ఎప్పుడైనా విన్నారా..? ఎలక్ట్రానిక్ వస్తువులు, సాఫ్ట్వేర్, హార్డ్వేర్ లాంటి ఉత్పత్తులను చేసే సంస్థే ఇది. ఐఫోన్లు, ఐపాడ్లు, కంప్యూటర్లు లాంటి అనేక వస్తువులను ఈ కంపెనీ ఉత్పత్తి చేస్తుంది. ఈ సంగతలా కాసేపు పక్కన పెడితే....
అసలు ఈ యాపిల్ కంపెనీకి ఆ పేరెలా వచ్చిందో, ఇప్పుడు మనం తెలుసుకుందాం... ఈ సంస్థ వ్యవస్థాపకుడు స్టీవ్జాబ్కు యాపిల్ అంటే చాలా చాలా ఇష్టం. మొదట్లో తన సంస్థకు ఓ మంచిపేరు దొరికేంతదాకా, తనకిష్టమైన యాపిల్ పేరుతోనే కంపెనీని నడిపించాలనుకున్నాడట.
అలా మూడు నెలలపాటు సంస్థను నడిపించినప్పటికీ స్టీవ్జాబ్కు యాపిల్కంటే మంచిపేరు దొరకలేదు. ఇక లాభం లేదనుకుని తన సంస్థలోని ఇతర భాగస్వాములను కూడా ఆయన ఓ మంచిపేరును సూచించాల్సిందిగా కోరాడు. వారు కూడా స్టీవ్కు నచ్చిన పేరును సూచించకపోవడంతో... "యాపిల్" పేరునే రిజిస్టర్ చేయించేశారట..! ఇదండ్రా పిల్లలూ...! యాపిల్ పేరు కథా... కమామీషు..!!
