అటుకుల పులిహోర

కావాలసిన పదార్థాలు:
అటుకులు : పావుకిలో
మినప పప్పు : 2 స్పూన్లు
పెసరపప్పు : 2 స్పూన్లు
ఆవాలు : స్పూన్లు
పచ్చిమిరపకాయలు : నాలుగు
కరివేపాకు : రెండు రెమ్మలు
ఇంగువ : చిటికెడు
నూనె : స్పూన్లు
నిమ్మకాయలు : రెండు
వేరు శనగపప్పులు : కాసిని
పసుపు : చిటికెడు

తయారీ విధానం:
అటుకులను శుభ్రం చేసి నీళ్లతో కడిగి అందులో ఉన్న నీళ్లను పూర్తిగా వంపేయాలి. ఆ తర్వాత మూతపెట్టి గంటసేపు అలాగే ఉంచాలి. ఓ బాణలి తీసుకుని అందులో నూనె వేసి, పోపుకు సంబంధించిన సామానును వేయాలి.

పోపు పదార్థాలు వేగిన తర్వాత దానికి ఎండు మిర్చి, పచ్చిమిర్చి, కరివేపాకు, పల్లీలను కలిపి మరికొద్దిసేపు వేయించాలి. ఆ తర్వాత అందులో అటుకులను కూడా వేసి కొద్ది సేపు వేయించాలి.

నిమ్మరసంలో తగినంత ఉప్పు, పసుపు, ఇంగువ పొడి వేసి బాగా కలిపి ఉంచుకోవాలి. చివరిగా అన్నీ కలిపిన నిమ్మరసాన్ని అటుకుల్లో కలపటంతో అటుకుల పులహోర రెడీ అయినట్లే.