Publish Date: Tue, 19 Jan 2016 (08:50 IST)
Updated Date: Tue, 19 Jan 2016 (09:21 IST)
అందంగా కనిపించాలంటే శరీరాకృతికి తగిన దుస్తుల్ని ధరించడమే కాదు.. ఆ దుస్తులకు మ్యాచ్ అయ్యేలా నగల ఎంపిక కూడా పక్కాగా ఉండాలి. అపుడే మరింత అందంగా కనిపిస్తారు. అలాంటి నగల ఎంపికతో ఏ ముఖానికి ఎలాంటి నగలు ఎంపిక చేసుకోవాలో ఓసారి పరిశీలిద్ధాం.
కోలముఖం (ఎక్కువ పొడవుగా లేని ముఖం) ఉన్నవారికి ఎటువంటి నెక్లెస్లైనా ఏ షేప్లోని చెవి రింగులైనా బాగా నప్పుతాయి. అయితే వీరికి పొడవాటి చైన్ మోడల్ ఇయర్ రింగ్స్ చాలా బాగుంటాయి.
చతురస్రాకారంలో ఉండే ముఖం ఉన్న వారికి మెడ వరకే ఉండే చోకర్ స్టైల్ నెక్లెస్లు చాలా ఆకర్షణీయంగా ఉంటాయి. వీరు చిన్నవి, గుండ్రంగా ఉండే చెవి రింగులు అలాగే బటన్ రింగులు పెట్టుకుంటే మరింత అందంగా కనిపిస్తారు.
గుండ్రటి ముఖం ఉన్న వారు పొడవాటి నెక్లెస్, దాని కింద మరొక గొలుసు వేసుకుంటే బాగుంటుంది. వీరు గుండ్రటి ఇయర్ రింగ్స్ కానీ, రౌండ్ కట్ డైమండ్స్ లేదా జెమ్స్టోన్స్కు బదులుగా చతురస్రాకారం వంటి రకరకాల ఆకారాల్లోని పొడవాటి చెవి రింగులు ధరిస్తే మరింత అందంగా కనిపిస్తారు.
హృదయాకార ముఖం ఉన్న వారికి మెడ భాగం చాలా సన్నగా ఉంటుంది. అందువల్ల వారు చిన్న నెక్లెస్లు, చోకర్స్ ధరించడం వల్ల ముఖం కాస్త గుండ్రంగా, అందంగా కనిపిస్తుంది. అలాగే త్రికోణాకారం, చతురస్రాకారంలో ఉండే పొడవైన చెవిరింగులు వీరికి భలే సెట్ అవుతాయి.
