మొట్టమొదటి డిజైన్ ఫెస్టివల్, ఎగ్జిబిషన్ ప్లాట్‌ఫారమ్ అయిన డిజైన్ డెమోక్రసీ, 2023 అక్టోబర్ 13 నుండి 15వ తేదీ వరకు మాదాపూర్ లోని ఎన్ కన్వెన్షన్ సెంటర్‌లో జరుగనుండటంతో సరికొత్త డిజైన్ విప్లవాన్ని చూసేందుకు సిద్ధమైపొండి. ఈ పరివర్తనాత్మక కార్యక్రమం అభివృద్ధి చెందుతున్న ఇంటీరియర్, లైఫ్‌స్టైల్ బ్రాండ్‌లు, డిజైనర్లు, ఆర్కిటెక్ట్‌లు, ప్రాపర్టీ ఓనర్‌లతో కనెక్ట్ అయ్యే అవకాశం సృష్టిస్తుంది, సహకారాన్ని ప్రోత్సహిస్తుంది మరియు ఆవిష్కరణలను రేకెత్తిస్తుంది.
ఈ ప్రదర్శనను శ్రీమతి పింకీ రెడ్డి ప్రారంభించగా, కాన్ఫరెన్స్ ఏరియాను క్రెడాయ్ నేషనల్, సెక్రటరీ శ్రీ జి రామ్ రెడ్డి, ప్యానెల్ డిస్కషన్‌ను తెలంగాణ రాష్ట్ర ఐటి శాఖ ముఖ్య కార్యదర్శి శ్రీ జయేష్ రంజన్ ప్రారంభించారు. శ్రీమతి పొన్ని ఆస్కార్(ఆర్కిటెక్ట్), అలేఖ్య హోమ్స్‌కు చెందిన శ్రీనాథ్ కుర్ర తదితరులు ఈ వేడుకల్లో పాల్గొన్నారు.
డిజైన్ డెమోక్రసీ అనేది ప్రముఖ డిజైన్ క్యూరేటర్ అయిన అర్జున్ రాఠీ, అభిరుచి కలిగిన ద్వయం శైలజా పట్వారీ పల్లికా శ్రీవాస్తవ్‌ యొక్క ఆలోచన. ప్రదర్శన యొక్క క్యూరేటర్ అర్జున్ రాఠీ మాట్లాడుతూ, "డిజైన్ డెమోక్రసీ అనేది ఒక ఈవెంట్ కంటే ఎక్కువ. ఇది ఒక ఉద్యమం. ఇది డిజైన్ యొక్క వేడుక, మన చుట్టూ ఉన్న ప్రపంచాన్ని మనం చూస్తున్న, అభినందిస్తున్న విధానాన్ని మార్చే వాగ్దానం" అని అన్నారు.
జయేష్ రంజన్ మాట్లాడుతూ, "డిజైన్‌కు ఈ రోజు చాలా ప్రాధాన్యత వుంది. విభిన్న డిజైన్లతో నిర్వహిస్తున్న ఈ డిజైన్ డెమోక్రసీ అద్భుతంగా వుంది. చక్కటి సృజనాత్మకత ఇక్కడ చూడగలుగుతున్నాము. ఇక్కడ తెలుసుకోవడానికి ఎంతో వుంది. ఔత్సాహిక డిజైనర్లతో పాటుగా, అనుభజ్ఞుల కోసం మ్యూజియం ఆఫ్ తెలంగాణ అని ఇక్కడ ఏర్పాటు చేయటం బాగుంది. దీనిద్వారా మరింతగా తెలుసుకోవచ్చు. ఈ ప్రదర్శన మంచి ప్రయత్నం" అని అన్నారు.
డిజైన్ డెమోక్రసీ డిజైన్ పరిశ్రమలోని ప్రసిద్ధ బ్రాండ్‌ల యొక్క అసాధారణమైన బ్రాండ్లను ప్రదర్శిస్తుంది. బియాండ్ డిజైన్స్, సరితా హండా, వితిన్, హ్యాండ్స్ కార్పెట్స్, కోకన్ రగ్స్ , అర్జున్ రాఠీ లైటింగ్, షేడ్స్ ఆఫ్ ఇండియా వంటి పరిశ్రమల దిగ్గజాలను చూడవచ్చు. ఈ అద్భుతమైన లైనప్‌తో, డిజైన్ డెమోక్రసీ సృజనాత్మక ఆలోచనలు, డిజైన్ ఔత్సాహికుల యొక్క ప్రత్యేకమైన సమావేశంగా ఉంటుందని హామీ ఇస్తుంది. మీరు అనుభవజ్ఞుడైన డిజైనర్ అయినా, నిష్ణాతుడైన వాస్తుశిల్పి అయినా, సౌందర్యాన్ని దృష్టిలో ఉంచుకునే ఆస్తి యజమాని అయినా లేదా డిజైన్ కళను మెచ్చుకునే వ్యక్తి అయినా, డిజైన్ డెమోక్రసీ అనేది మీరు మిస్ చేయలేని కార్యక్రమం.
