Select Your Language

Notifications

webdunia
webdunia
webdunia
webdunia
Advertiesment

అగ్నివీరులను చేద్దామంటే అగాధంలో పడిపోయారు, నిప్పు పెట్టిన వారి జీవితాలు బుగ్గి

indian army
, శనివారం, 18 జూన్ 2022 (16:45 IST)
శాంతియుత మార్గంలో పయనించి ఎంతటి క్లిష్టమైన దానినైనా సాధించవచ్చని గాంధీజీ ప్రపంచానికి చాటారు. హింసాత్మకమైన ప్రవృత్తితో, అదీ దేశానికి సేవ చేయాలనుకునేవారు... కంచే చేను మేస్తే అన్న చందంగా ప్రవర్తించిన తీరుపై సర్వత్రా విమర్శలు వస్తున్నాయి. సమస్యలకు పరిష్కార మార్గం ఎంచుకునే విధానం ఇది కాదని ఎందరో బాహాటంగానే చెప్తున్నారు. 

 
వాస్తవానికి భారత సైన్యంలో చేరి దేశానికి సేవ చేయాలనేది చాలామంది యువకుల కల. ఎంతో కష్టతరమైన నేషనల్ డిఫెన్స్ అకాడమీ (NDA) ప్రవేశం కోసం వ్రాస్తుండగా, వారిలో కేవలం 1% మంది మాత్రమే అర్హత సాధిస్తున్నారు. ఇలా ఎంపికైనవారిలో కూడా, ప్రతిష్టాత్మకమైన ఎన్‌డిఎలో ఫిట్‌గా ఉన్నవారు మాత్రమే పూర్తి శిక్షణను పూర్తి చేయగలుగుతారు. మరికొందరు గ్రాడ్యుయేషన్ పూర్తి చేసిన తర్వాత ఆర్మీలో షార్ట్ సర్వీస్ కమిషన్ (SSC) వ్రాసి తమ కలను సాకారం చేసుకుంటారు.

 
ఎక్కువ మందిని సైన్యంలో చేరేలా చేసేందుకు, సైన్యాన్ని యువకులుగా మార్చేందుకు భారత ప్రభుత్వం, భారత సైన్యంలోని యువశక్తిని రిక్రూట్ చేయడానికి, వారికి అగ్నివీరులుగా శిక్షణనిచ్చేందుకు అగ్నిపథ్ పథకాన్ని ప్రకటించింది. దీని వయోపరిమితిని 23కి పెంచారు. ఇది దేశవ్యాప్తంగా హింసాత్మక నిరసనలకు దారితీసింది. ఆందోళనకారులు ప్రజా ఆస్తులను ధ్వంసం చేశారు.

 
ఈ పరిస్థితుల్లో రాజకీయంగా ప్రభావితమైన నిరసనకారులు ఆర్మీ సిబ్బందిగా మారి దేశాన్ని ఎలా రక్షించగలరని చాలామంది ప్రశ్నిస్తున్నారు. సైన్యానికి కఠినమైన క్రమశిక్షణ అవసరమని, చట్టాలను ఉల్లంఘిస్తే సహించదని అందరికీ తెలుసు. ప్రభుత్వ ఆస్తులను తగలబెట్టి, హింసకు పాల్పడే వారు బాధ్యతగల సైనికులుగా ఎలా మారగలరు?


మేధావులు, సరైన ఆలోచనాపరులు నిరసనకారులపై కఠిన చర్యలు తీసుకోవాలని, ప్రభుత్వ ఉద్యోగాలకు హాజరుకాకుండా నిషేధించాలని డిమాండ్ చేస్తున్నారు. ఆర్మీలో రిజర్వేషన్లు ఉండవని, ఫిట్నెస్ టెస్ట్ మీద ఆధారపడి మాత్రమే ప్రవేశం వుంటుందని అందరికీ తెలుసు. వయోపరిమితి పెంచినా.. 23 ఏళ్ల వ్యక్తి దేహదారుఢ్య పరీక్షలో ఫెయిల్ అయితే రిక్రూట్‌మెంట్‌ ఉండదు. 17, 18 ఏళ్ల వయసు వారిదీ ఇదే పరిస్థితి.

 
నాలుగేళ్లు పూర్తయినా తమను పర్మినెంట్ చేయకుంటే ఏమవుతారని ఆందోళనకారులు ప్రశ్నిస్తున్నారు. ప్రభుత్వం వివిధ ఎంపికలను ప్రకటించింది. వారికి వివిధ ప్రభుత్వ ఉద్యోగాలు, పోలీసు బలగాలలో ప్రాధాన్యత ఇవ్వబడుతుంది. నిజానిజాలు తెలుసుకోకుండా... వాట్సప్ గ్రూపుల్లో వస్తున్న అవాస్తవ విషయాలను ఆధారం చేసుకుని నిరసన తెలుపుతున్నారన్న విమర్శలు వస్తున్నాయి.


వాస్తవానికి 1999 కార్గిల్ నివేదిక అగ్నివీర్‌లను సిఫారసు చేసినట్లు వారికి తెలియదు. పర్మినెంట్ కమిషన్ అంటే పదవీ విరమణ వరకు సాయుధ దళాలలో వృత్తి. షార్ట్ సర్వీస్ కమిషన్ కింద, ఆర్మీ 4 సంవత్సరాల పొడిగింపు ఎంపికతో 10 సంవత్సరాల సేవను అనుమతిస్తుంది. అగ్నిపథ్ కింద, అగ్నివీర్ రిక్రూట్‌మెంట్‌లు 4 సంవత్సరాలు పనిచేస్తాయి. ఐతే నైపుణ్యం కలవారు పూర్తికాలం పనిచేసేందుకు అర్హత సాధించగలుగుతారు. వెంట్రుకవాసిలో దేశసేవ చేసే అవకాశం కోల్పోయేవారికి అగ్నిపథ్ గొప్ప సువర్ణవకాశం.

Share this Story:

Follow Webdunia telugu

తర్వాతి కథనం

బైజూస్ అంటే మ్యాంగో జ్యూసో, హెరిటేజ్ జ్యూసో అనుకుంటున్నారా?