డాక్టర్ బీఆర్ అంబేద్కర్ కోనసీమ జిల్లాలో ఓ విషాద ఘటన జరిగింది. తన ప్రియుడి మర్మాంగాన్ని ప్రియురాలు కోసేసింది. నువ్వు నాకే సొంతం... నాతోనే శృంగారం చేయాలంటూ వాగ్వాదానికి దిగిన ప్రియురాలు ఆవేశంలో అతని మర్మాంగాన్ని కోసేసింది.
తాజాగా వెలుగులోకి వచ్చిన ఈ వివరాలను పరిశీలిస్తే, కోనసీమ జిల్లా మలికిపురం మండలం, గుడుపల్లికి చెందిన ఓ వ్యక్తికి తాటిపాకకు చెందిన మరదలి వరుసయ్యే ఓ మహిళతో వివాహేతర సంబంధం ఉంది. ఈ నేపథ్యంలో ఈ నెల 17వ తేదీన తన ఇంట్లో ఎవరూ లేరని, తన ప్రియుడికి ఫోన్ చేసి ఇంటికి పిలిపించింది.
ఆ వెంటనే ఆ వ్యక్తి ఇంటికి వెళ్లిన తర్వాత.. నువ్వు వేరే వాళ్లతో వివాహేతర సంబంధం పెట్టుకుంటున్నావు... నువ్వు నాకే దక్కాలి అంటూ ఆమె వాగ్వాదానికి దిగి ఆగ్రహావేశాలకు లోనైంది. ఆ క్షణికావేశంలో తన వద్ద ఉన్న బ్లేడుతో అతని మర్మాంగాన్ని కోసేసింది.
దీంతో మర్మాంగానికి తీవ్ర గాయం కావడంతో రాజోలు ప్రభుత్వ ఆస్పత్రికి వెళ్లగా మెరుగైన వైద్య చికిత్స కోసం అమలాపురంలోని ఓ ప్రైవేటు ఆస్పత్రికి తరలించారు. ఈ ఘటనపై అందిన ఫిర్యాదు మేరకు కేసు నమోదు చేసి విచారణ జరుపుతున్నారు. కాగా, బాధితుడికి భార్య, ఇద్దరు పిల్లలు ఉన్నారు.
