ఉత్తరప్రదేశ్ రాష్ట్రంలో ఏదో ఒక ప్రాంతంలో మహిళలపై అఘాయిత్యాలు జరుగుతూనే వున్నాయి. తాజాగా ఓ స్కూల్ విద్యార్థినిపై ఆ పాఠశాలలో పని చేసే స్వీపర్ అత్యాచారానికి పాల్పడ్డాడు. టాయిలెట్‌కు వెళ్లిన బాలికపై స్వీపర్ ఈ దారుణానికి తెగబడ్డాడు.
తాజాగా వెలుగులోకి వచ్చిన ఈ వివరాలను పరిశీలిస్తే, వారణాసిలోని ఓ ప్రైవేట్ స్కూల్‌లో సింకు అనే వ్యక్తి స్వీపర్‌గా పని చేస్తున్నాడు. ఈ పాఠశాలకు చెందిన ఓ మైనర్ బాలిక శుక్రవారం క్లాసులు జరుగుతున్న సమయంలో టాయిలెట్‌లోకి వెళ్లింది.
ఆ సమయంలో టాయిలెట్ క్లీన్ చేస్తున్న సింకు.. ఆ బాలిక పట్ల అసభ్యంగా ప్రవర్తించడమేకాకుండా బలవంతంగా లైంగికదాడికి పాల్పడ్డాడు. దీంతో ఆ బాలిక భయంతో వణికిపోయి కేకలు వేస్తూ బయటకు పరుగులు తీసి నేరుగా ఇంటికి వెళ్లి తల్లిదండ్రులకు చెప్పింది. ఆ తర్వాత పోలీసులకు ఫిర్యాదు చేశారు. దీనిపై కేసు నమోదు చేసిన పోలీసులు.. సింకును అరెస్టు చేశారు.
