తండ్రి బాగా సంపాదించాడు. ఒకే ఒక్క కూతురు. ఎలాంటి ఇబ్బందులు లేకుండా చూసుకుంటున్నాడు. కాలేజీకి కారులో పంపించేవాడు. ఏ లోటు రాకుండా చూసుకునేవాడు. అయితే యువతి మాత్రం కారు డ్రైవర్‌ను ప్రేమించింది. అతనే సర్వస్వం అనుకుంది. తల్లిదండ్రులకు చెప్పకుండా వివాహం చేసుకుంది. అప్పటికే ఆ కారు డ్రైవర్‌కు పెళ్ళయి ఇద్దరు పిల్లలు కూడా ఉన్నారు. అయినా సరే రెండో భార్యగా ఉంటానంటోంది యువతి.
కర్ణాటక రాష్ట్రం విజయపురజిల్లా జాలగేరి గ్రామానికి చెందిన సోమలింగ కారు డ్రైవర్‌గా పనిచేస్తున్నాడు. పారిశ్రామికవేత్తగా స్థిరపడ్డ రంజిత్ ఇంట్లో పనిచేస్తున్నాడు. కారు డ్రైవర్‌గా సుమారు 8 సంవత్సరాలుగా అక్కడే ఉంటున్నారు.
ఈ క్రమంలో రంజిత్ కుమార్తెతో అతనికి పరిచయం ఏర్పడింది. కారులోనే కాదు అప్పుడప్పుడు బైక్ పైనా కాలేజీలో వదిలిపెట్టేవాడు. ఈ పరిచయం కాస్త ప్రేమగా మారింది. ఒకరకంగా ట్రాప్ చేసి ఆమెను లైన్లో పెట్టాడు. అంతటితో ఆగలేదు. తీసుకెళ్ళి పెళ్ళి చేసేసుకున్నాడు. ఇంకేముంది తల్లిదండ్రులు పరుగును వచ్చారు. ఎందుకిలా చేశావంటూ కుమార్తెను ప్రశ్నించారు.
గొడవపడ్డారు. అయితే సోమలింగ అసలు విషయాన్ని కూడా చెప్పేశాడు. తనకు ఇప్పటికే పెళ్లయ్యిందని.. ఇద్దరు పిల్లలు కూడా ఉన్నారని చెప్పాడు. దీంతో తల్లిదండ్రులు షాక్. అయితే యువతి మాత్రం సైలెంట్ గానే ఉండిపోయింది. రెండవ భార్యగా మీ దగ్గరే ఉంటానంటూ నిలబడింది.
దీంతో పోలీసులు ఆ యువతిని సోమలింగతోనే పంపించేశారు. సోమలింగ మొదటి భార్య అతనితో గొడవపడి తన తల్లిదండ్రులకు వెళ్లిపోయింది. అయితే తాను పెళ్ళి చేసుకున్న రెండవ యువతిని బాగా చూసుకుంటానని చెబుతున్నాడు సోమలింగం. కానీ తన ఆస్తిలో చిల్లిగవ్వ కూడా ఇవ్వనంటున్నాడు యువతి తండ్రి.
