యువతులపై కామాంధులు కోరలు చాస్తూనే వున్నారు. తమకు జరిగిన అన్యాయాన్ని కొందరు చెప్పుకోలేకపోతున్నారు. ఇలాంటి ఘటనే అసోంలో జరిగింది.
పూర్తి వివరాలు చూస్తే... అసోం రాజధాని దిస్పూరుకి చెందిన యువతికి పెళ్లి చూపులు ఏర్పాటు చేసారు. ఆమెను చూసేందుకు వచ్చిన యువకుడు, అమ్మాయి తనకు నచ్చడంతో ఓకే చెప్పేశాడు. ఇక మిగిలిన విషయాల గురించి మాట్లాడుకోవడంలో పెద్దలు నిమగ్నమైపోయారు. ఇంతలో అబ్బాయి వాట్సాప్‌కి టింగ్ మంటూ ఓ ఫోటో వచ్చింది.
ఓపెన్ చేసి చూడగా... తను పెళ్లి చేసుకుంటానంటూ చెప్పిన అమ్మాయిదే. దాంతో అతడు షాక్ తిన్నాడు. ఈ ఫోటో వ్యవహారంపై యువతి కూడా షాక్ తిన్నది. తేరుకుని గతంలో తనపై జరిగిన దారుణాన్ని బయటపెట్టింది.
తను కాలేజీకి వెళ్లే రోజుల్లో ఓ రోజు తన ద్విచక్రవాహనం చెడిపోయిందనీ, ఆ సమయంలో అటుగా వచ్చిన తన కజిన్, ఫ్రెండ్ కారులో డ్రాప్ చేస్తానన్నాడు. దాంతో ఆమె కారు ఎక్కింది. కొద్దిదూరం వెళ్లాక ఆమెకి కూల్ డ్రింక్ ఇచ్చాడు. అందులో మత్తుమందు కలిపి వుండటంతో ఆమె అపస్మారకంలోకి వెళ్లిపోయింది. ఆ తర్వాత కామాంధులిద్దరూ ఆమెపై అత్యాచారం చేశారు.
ఆ సమయంలో తన నగ్న ఫోటోలు తీసి వుంటారని బాధితురాలు అనుమానం వ్యక్తం చేసింది. కాగా ఈ దారుణం లోకానికి తెలిస్తే తన కుటుంబం పరువు పోతుందని ఆమె నోరు విప్పలేదు. ఐతే ఏకంగా తన నగ్న ఫోటోనే షేర్ చేయడంతో బాధితురాలు పోలీసులకి ఫిర్యాదు చేసింది.
