భయానక ఘటన ఒకటి చోటుచేసుకుంది. ఓ కుక్క బాలుడి తలను నోట కరుచుకుని వీధిలో వెళుతుండగా దానిని గమనించిన స్థానికులు బెంబేలెత్తిపోయారు. వెంటనే పోలీసులకు సమాచారం అందించారు.
పూర్తి వివరాలను చూస్తే... హైదరాబాద్ నగరంలోని శివారు ప్రాంతంలోని మన్సూరాబాద్ సహారా రోడ్డులో ఓ పాల షాప్ దగ్గర కార్తీక్ అనే యువకుడు కూర్చుని వున్నాడు. ఇంతలో ఓ కుక్క బాలుడి తలను నోట కరచుకుని పరుగుపెడుతూ అటుగా వచ్చింది. దాన్ని చూసిన కార్తీక్, ఇతరులు షాక్ తిన్నారు. ఆ కుక్కను వెంబడించగా బాలుడి తలను పొదల్లో వదిలేసి వెళ్లిపోయింది.
ఈ విషయాన్ని పోలీసులకు తెలియజేయగా ఘటనా స్థలానికి చేరుకుని బాలుడి తలను స్వాధీనం చేసుకున్నారు. పోస్టుమార్టంకి తరలించారు. ఐతే ఈ బాలుడి తలను కుక్క ఎక్కడి నుంచి తీసుకుని వచ్చిందన్న దానిపై పోలీసులు కనుగొనేందుకు తీవ్రంగా ప్రయత్నిస్తున్నారు.
ఆ ఘటన చూసి కొయ్యబారిపోయిన జనం
అంతా చూస్తూనే వున్నారు. రైలు వేగంగా వస్తుండగా ఓ యువకుడు ఫ్లాట్ఫాం పైనుంచి రైలు పట్టాలపైకి దూకి ఎదురుగా వస్తున్న రైలువైపు దూసుకెళ్లాడు. అంతే స్పాట్ డెడ్. ఆ హఠత్ సంఘటన చూసిన వారు కొయ్యబారిపోయారు.
వివరాల్లోకి వెళితే... తూర్పుగోదావరి జిల్లా తుని రైల్వే స్టేషనులో ఒకటవ నెంబరుపైన ఓ యువకుడు అటూఇటూ చలాకీగా తిరుగుతూ కన్పించాడు. ఇంతలో రెండవ ఫ్లాట్ఫాం పైకి వేగంగా విశాఖ ఎక్స్‌ప్రెస్ వస్తోంది. ఐతే చటుక్కున ఆ యువకుడు ఒకటవ ఫ్లాట్ ఫామ్ పైనుంచి రైలు పట్టాలపైకి దూకి వేగంగా వస్తున్న విశాఖ ఎక్స్ ప్రెస్ రైలుకి ఎదురుగా దూసుకెళ్లాడు.
అంతా కేకలు వేస్తుండగానే అతడి శరీరం నలిగిపోయింది. ఆ దృశ్యాలు చూసిన వారు కొద్దిసేపు మొద్దుబారిపోయారు. ఈ యువకుడు ఎందుకు ఆత్మహత్య చేసుకున్నాడో తెలియరాలేదు. పైగా అతడి వద్ద ఎలాంటి ఆధారాలు లభించకపోవడంతో గుర్తుతెలియని శవంగా పోలీసులు కేసు నమోదు చేసుకుని దర్యాప్తు చేస్తున్నారు. ఈ ఘటన శనివారం జరిగింది.
