దేశ రాజధాని ఢిల్లీలో దారుణం జరిగింది. బిర్యానీకి డబ్బులు ఇవ్వకపోవడంతో ఆగ్రహించిన ఓ బాలుడుని మరో బాలుడు 60 సార్లు కత్తితో పొడిచి చంపేశాడు. మృతుడి వయసు 17 యేళ్లు కాగా, ఈ దారుణానికి పాల్పడిన బాలుడి వయసు 16 యేళ్లు. యువకుడు మెడ, ఛాతిపై 60 సార్లు కత్తితో పొడవడంతో చనిపోయాడు. ఆ తర్వాత నిర్జీవంగా పడివున్న ఆ బాలుడిపై కిరాతక బాలుడు డ్యాన్స్ చేశాడు. ఈ దారుణం మంగళవారం రాత్రి జరిగింది.
ఢిల్లీలోని జాఫ్రాబాద్ ప్రాంతానికి చెందిన 17 యేళ్ళ కుమారుడు జనతా మజ్దూర్ కాలనీలో నడిచి వెళుతుండగా, 16 యేళ్ల బాలుడు బిర్యానీ కోసం రూ.350 ఇవ్వాలని బెదిరించాడు. ఈ మొత్తం డబ్బులు ఇవ్వకపోవడంతో ఆగ్రహంతో ఊగిపోయిన 16 యేళ్ళ బాలుడు కత్తితో దాడి చేశాడు.
దీంతో కిందపడిపోయిన బాధితుడిపై కూర్చొని 60 సార్లు మెడపై, ఛాతిపై కత్తితో పొడిచాడు. ఫలితంగ తీవ్రంగా గాయపడిన బాధితుడు అక్కడే ప్రాణాలు కోల్పోయాడు. ఆ తర్వాత మృతదేహంపై నిలబడి డ్యాన్స్ చేశాడు. దీన్ని గమనించిన స్థానికులు పోలీసులకు సమాచారం అందించారు. వారు అక్కడు చేరుకుని బాధితుడిని ఆస్పత్రికి తరలించగా, అప్పటికే చనిపోయినట్టు వైద్యులు నిర్ధారించారు. దీనిపై కేసు నమోదు చేసి దర్యాప్తు జరుపుతున్నారు. నిందితుడిపై గతంలోన ఓ హత్య కేసు ఉందని పోలీసులు తెలిపారు.
