యువరాజ్ - హజల్ కీచ్ వివాహ సందడి.. శుభలేఖ నిండా క్రికెట్ సంగతులే...
భారత క్రికెటర్ యువరాజ్ సింగ్‌, హాలీవుడ్ నటి హజల్ కీచ్ పెళ్లి సందడి మొదలైంది. ఈ వివాహం కోసం యువీ కుటుంబం ప్రతి ఒక్కరినీ ఆకర్షించేలా అద్భుతమైన పెళ్లి పత్రికను ముద్రించింది. ఇందులో తనకు క్రికెట్‌పై ఎంత ప
భారత క్రికెటర్ యువరాజ్ సింగ్‌, హాలీవుడ్ నటి హజల్ కీచ్ పెళ్లి సందడి మొదలైంది. ఈ వివాహం కోసం యువీ కుటుంబం ప్రతి ఒక్కరినీ ఆకర్షించేలా అద్భుతమైన పెళ్లి పత్రికను ముద్రించింది. ఇందులో తనకు క్రికెట్‌పై ఎంత ప్రేముందన్న విషయాన్ని యూవీ చెప్పకనే చెప్పాడు.
ప్రత్యేక ఆకర్షణగా నిలిచిన ఈ శుభలేఖలో 'సంగీత్' ఆహ్వాన పత్రికపై కీచ్ బ్యాట్ పట్టుకుని ప్యాడ్స్ కట్టుకుని ఉన్న క్యారికేచర్‌ను ప్రచురించారు. అలాగే, రిసెప్షన్‌కు ఇచ్చిన ఆహ్వానంలో పిచ్ మధ్యలో నిలుచున్న కొత్త జంటను చూసి 'భాయ్... షాదీ...' అంటున్న ఇతర క్రికెటర్ల క్యారికేచర్లు ప్రచురించారు.
ఇక ప్రధాన చిత్రంగా, పిచ్ మధ్య డోలు వాయిస్తున్న యువరాజ్, నృత్యం చేస్తున్న కీచ్ చిత్రాలున్నాయి. ఈ వివాహం అటు గురుద్వారా సంప్రదాయంలో, ఇటు హిందూ సంప్రదాయంలో నిర్వహించేలా ఉంది. ఈ నెల 30న సిక్కుల సంప్రదాయంలో, ఆపై డిసెంబర్ 2న గోవాలో హిందూ పద్ధతిలో వివాహం, 5న ఢిల్లీలో రిసెప్షన్, 7న చతర్‌పూర్‌లో మరో రిసెప్షన్ జరుగనుంది.
