సమయం దొరికినప్పుడల్లా మాకు వాయుకాలుష్యం గురించి లెక్చర్లు దంచే మీరు మాత్రం ఎటువంటి జాగ్రత్తలూ తీసుకోరా? అంటూ టీమిండియా మాజీ కెప్టెన్ విరాట్ కోహ్లీపై నెటిజన్లు ఫైర్ అవుతున్నారు. కోహ్లీ తప్పులు చేస్తూ.. నీతులు చెప్పడం సరైన పద్ధతి కాదంటూ నెటిజన్లు దుమ్మెత్తిపోస్తున్నారు.
వివరాల్లోకి వెళితే వెస్టిండీస్ వన్డే టూర్ ముగించుకుని చార్టెడ్ ఫ్లైట్‌లో విరాట్ ఇండియాకు తిరిగి రావడం ఈ వివాదానికి దారితీసింది. వన్డే సిరీస్‌లో టీమిండియా విండీస్‌పై ఘన విజయం సాధించిన నేపథ్యంలో.. ఇందులో కోహ్లీ కూడా అజేయ సెంచరీతో అదరగటొట్టాడు. ప్రస్తుతం టీ-20 సిరీస్ జరుగుతున్నా.. సీనియర్ ప్లేయర్లకు బీసీసీఐ విరామం ఇచ్చింది. దీంతో విరాట్ కోహ్లీ స్వదేశానికి బయల్దేరాడు.
విరాట్ కోసం గ్లోబల్ ఎయిర్ చార్టర్ సర్వీస్ ప్రత్యేకంగా ఓ చార్టర్ ఫ్లైట్ ఏర్పాటు చేసింది. ఈ విషయాలను కింగ్ కోహ్లీ నెట్టింట పంచుకున్నాడు. అయితే చార్టర్ విమానంలో కోహ్లీ ప్రయాణించడం సరికాదని.. నిత్యం వాయుకాలుష్యం గురించి మాట్లాడే విరాట్, అనుష్కకు ప్రత్యేక విమానాలు పర్యావరణానికి ఎంతటి హానికరమో తెలీదా? అంటూ ఫైర్ అవుతున్నారు.
