మాంచెస్టర్‌లో ఇంగ్లాండ్‌తో జరిగిన నాల్గవ టెస్ట్ తొలి రోజున కాలి బొటనవేలు విరిగిన కారణంగా భారత వికెట్ కీపర్-బ్యాటర్, వైస్ కెప్టెన్ రిషబ్ పంత్ ఆండర్సన్-టెండూల్కర్ ట్రోఫీ మిగిలిన మ్యాచ్‌లకు దూరమయ్యాడు. అతనికి ఆరు వారాల విశ్రాంతి ఇవ్వాలని సూచించారు. దీనితో హై ప్రొఫైల్ టెస్ట్ సిరీస్‌లో అతని భాగస్వామ్యం ముగిసింది.
37 పరుగుల వద్ద బ్యాటింగ్ చేస్తున్నప్పుడు భారత ఇన్నింగ్స్ 68వ ఓవర్‌లో పంత్ గాయపడ్డాడు. ఇంగ్లాండ్ పేసర్ క్రిస్ వోక్స్‌పై రివర్స్ స్వీప్ చేయడానికి ప్రయత్నించినప్పుడు, పంత్ కుడి పాదాన్ని బంతి తగిలింది. వెంటనే అతనిని ఆస్పత్రికి తరలించారు.
ఈ సంఘటన తర్వాత, పంత్‌ను స్కాన్‌ల కోసం ఆసుపత్రికి తరలించారు. "అవును, రిషబ్ పంత్ ఈ సిరీస్‌కు దూరమయ్యాడు. అతను నిన్న రాత్రి స్కాన్‌లకు వెళ్లాడు, డాక్టర్ ఇచ్చిన వివరాల ప్రకారం అతను బొటనవేలు విరిగినట్లు తేలింది. ప్రస్తుతం అతను చాలా నొప్పిగా ఉన్నందున అతను బ్యాటింగ్ చేసే అవకాశం లేదు" అని బీసీసీఐ అధికారులు చెప్తున్నారు.
