దక్షిణాఫ్రికా పర్యటనలో ఉన్న భారత క్రికెట్ జట్టు ఆదివారం నుంచి వన్డే సిరీస్ ఆడనుంది. మొత్తం మూడు మ్యాచ్‌ల వన్డే సిరీస్‌లో భాగంగా ఆదివారం తొలి వన్డే మ్యాచ్ జోహనెన్స్‌బర్గ్ వేదికగా ఆదివారం మధ్యాహ్నం 1.30 గంటలకు ప్రారంభమైంది. ఈ మ్యాచ్‌‌లో తొలుత సఫారీ జట్టు టాస్ గెలిచి బ్యాటింగ్ ఎంచుకుంది. ఫలితంగా భారత బౌలర్లధాటికి సఫారీలు 73 పరుగులకే ఎనిమిది వికెట్లను కోల్పోయి కష్టాల్లో పడింది.
ఆ జట్టులో ఓపెనర్ హెండ్రిక్స్ డకౌట్ కాగా, మరో ఓపెనర్ జోర్జి 28 పరుగులు చేశాడు. ఆతర్వాత డెర్ డుస్సెన్ 0, కెప్టెన్ మార్క్‌రమ్ 12, క్లాసెన్ 6, డేవిడ్ మిల్లర్ 2, ముల్డర్ 0, మహరాజ్ 4 చొప్పున పరుగులు చేశారు. ప్రస్తుతం క్రీజ్‌లో అండిలీ 24, బర్గర్ 4 పరుగుల చొప్పున క్రీజ్‌లో ఉన్నారు.
మరోవైపు, ఈ మ్యాచ్ కోసం ప్రకటించిన భారత జట్టులో కేఎల్ రాహుల్, గ్వైకాడ్, సుదర్శన్, శ్రేయాస్ అయ్యర్, తిలక్ వర్మ, సంజు శాంసన్, అక్సర్ పటేల్, హర్షదీప్ సింగ్, ఆవేశ్ ఖాన్, కుల్దీప్ యాదవ్, ముకేశ్ కుమార్‌లను తుది జట్టులోకి తీసుకున్నారు.
