వరల్డ్ కప్ 2023లో భాగంగా ఈ నెల 14న టీమిండియా అహ్మదాబాద్‌లో పాకిస్థాన్‌తో మ్యాచ్ ఆడనుంది. పాకిస్తాన్‌కు పోరుకు తర్వాత టీమిండియా వరుసగా బంగ్లాదేశ్, న్యూజిలాండ్, ఇంగ్లండ్, శ్రీలంక, దక్షిణాఫ్రికా తదితర జట్లతో ఆడాల్సి ఉంది.
అయితే, ఈ మ్యాచ్ నాటికి గిల్ ఫిట్ నెస్ నిరూపించుకోవాల్సి ఉంటుంది. డెంగీ బారినపడి వరల్డ్ కప్‌కు దూరమైన టీమిండియా డాషింగ్ ఓపెనర్ శుభ్ మన్ గిల్ కోలుకున్నాడు.
గిల్ ఇప్పుడు బ్యాటింగ్ ప్రాక్టీసు చేస్తున్నప్పటికీ పూర్తి ఫిట్ నెస్ సంతరించుకోవాలంటే కొంత సమయం పడుతుంది. దాంతో, పాకిస్థాన్‌పై అతడు బరిలో దిగే అవకాశాలు స్వల్పమేనని క్రీడా పండితులు అంటున్నారు. ఈ నేపథ్యంలో, పాక్‌తో మ్యాచ్‌కు గిల్‌కు విశ్రాంతినిచ్చే అవకాశాలే ఎక్కువగా ఉన్నాయి.
