ఇంగ్లండ్ క్రికెట్ సంక్షోభంలో పడింది. కెప్టెన్ బెన్ స్టోక్స్‌తో పాటు జట్టులోని 14మంది సభ్యులకు తెలియని వైరస్ సోకింది. వివరాల్లోకి వెళితే.. రావల్సిండిలో జరుగనున్న టెస్టు మ్యాచ్‌కు ముందు ఇంగ్లండ్ ఆటగాళ్లకు ఈ వైరస్ సోకినట్లు ఇంగ్లండ్ క్రికెట్ బోర్డు వెల్లడించింది.
డిసెంబర్ 1 నుంచి పాకిస్థాన్- ఇంగ్లండ్ మధ్య టెస్టు సిరీస్ జరుగనుంది. ఇందుకోసం ఇంగ్లండ్ జట్టు పాక్‌లో పర్యటిస్తోంది. తాజాగా ఇంగ్లండ్ ఆటగాళ్లకు వైరస్ సోకడంతో హోటల్‌లో విశ్రాంతి తీసుకోవాల్సి వచ్చింది. ఇంగ్లండ్ ఆటగాళ్లు ఏ వైరస్ బారిన పడ్డారనేది ఇంకా నిర్ధారణ కాలేదు.
