కాసుల వర్షం కురిపించే ఐపీఎల్-16వ సీజన్ 67వ లీగ్ మ్యాచ్‌లో ఢిల్లీ క్యాపిటల్స్, చెన్నై సూపర్ కింగ్స్ జట్లు శనివారం తలపడ్డాయి. తొలుత టాస్ గెలిచిన చెన్నై బ్యాటింగ్ ఎంచుకుంది. దీని ప్రకారం తొలుత బ్యాటింగ్ చేసిన చెన్నై జట్టు నిర్ణీత 20 ఓవర్లలో 3 వికెట్ల నష్టానికి 223 పరుగులు చేసింది.
ఓపెనింగ్ ప్లేయర్లుగా రంగంలోకి దిగిన శివమ్ దూబే, కాన్వాయ్ దూకుడుగా ఆడారు. ఇద్దరూ అర్ధ సెంచరీలు సాధించారు. తొలి వికెట్‌కు 141 పరుగులు జోడించిన తర్వాత రుతురాజ్ 79 పరుగుల వద్ద ఔటయ్యాడు. ఇతడు 87 పరుగుల వద్ద ఔటయ్యాడు. అనంతరం 224 పరుగులు చేస్తే గెలుపే లక్ష్యంగా ఢిల్లీ జట్టు రంగంలోకి దిగింది.
చెన్నై జట్టు కచ్చితమైన బౌలింగ్‌కు ఢిల్లీ జట్టు ఉచ్చులో పడింది. 26 పరుగులకే 3 వికెట్లు కోల్పోయి కష్టాల్లో పడింది. ఓ వైపు వికెట్లు పడినా.. కెప్టెన్ డేవిడ్ వార్నర్ బాధ్యతతో ఆడాడు. వార్నర్ 87 పరుగుల వద్ద ఔటయ్యాడు.
చివరికి ఢిల్లీ 146 పరుగులకే ఆలౌటైంది. దీంతో చెన్నై జట్టు 77 పరుగుల తేడాతో విజయం సాధించి ప్లే ఆఫ్ రౌండ్‌ను ఖాయం చేసుకుంది. చెన్నై జట్టు తరఫున దీపక్ చాహర్ 3 వికెట్లు, పధీరణ, దీక్షన తలో 2 వికెట్లు తీశారు.
