అందాల తార ఛార్మీ పెళ్లి గురించి నోరెత్తింది. 30 పదులు దాటినా పెళ్లి అంటే ఆమడ దూరం పారిపోతున్న ఛార్మీ.. తాజాగా పెళ్లి, పిల్లలు తనకు సెట్ కారని చెప్తోంది. ఛార్మీకి అభిమానులు భారీ సంఖ్యలో వున్న సంగతి తెలిసిందే. కథానాయికగా కెరీర్ జోరుగా సాగుతూ వుండగానే నిర్మాణ రంగంపై ఆమె దృష్టి పెట్టింది. పూరీ జగన్నాథ్ సినిమాలకు సంబంధించిన విషయాలను దగ్గరుండే చూసుకుంటోంది.
తాజాగా పెళ్లి గురించి ఛార్మీకి ఎదురైన ప్రశ్నకు సమాధానంగా చెప్పింది. పెళ్లి చేసుకోవాలనే ఆలోచన లేదు. పిల్లల్ని కనాలనే ఉద్దేశం లేదని.. అలాంటి జీవితాన్ని అనుభవించలేక కోరిక ఎంతమాత్రం లేదు. నిజం చెప్పాలంటే... పెళ్లి, పిల్లలు ఉదయాన్నే నిద్రలేచి ఫ్యామిలీకి కావలసిన ఏర్పాట్లు చేయడం తనకు సెట్ కావని.. ఇండిపెండెంట్‌గా వుండేందుకు ఇష్టపడతానని.. కష్టపడి పనిచేయడం వల్ల వచ్చే సక్సెస్‌తో సంతృప్తి పొందుతానని తెలిపింది.
ఇదిలా ఉంటే.. ఇటీవల పుట్టినరోజు జరుపుకున్న ఛార్మీ.. పెళ్లి, పిల్లలు గురించి మాట్లాడుతూనే.. స్విమ్మింగ్ పూల్‌లో స్నానాలు చేస్తూ.. కొన్ని ఫోటోలు పోస్ట్ చేసింది. ఆ ఫోటల్లో చార్మి తన అందాలతో అదరగొట్టింది.. ప్రస్తుతం అవి వైరల్ అవుతున్నాయి. శ్రీ ఆంజనేయం సినిమాతో ఛార్మీ పాపులర్ అయిన సంగతి తెలిసిందే.
