కోహ్లీ రికార్డును బద్ధలు కొట్టి పాకిస్థాన్ క్రికెటర్.. (video)

మంగళవారం, 1 అక్టోబరు 2019 (11:17 IST)
భారత క్రికెట్ జట్టు కెప్టెన్ విరాట్ కోహ్లీ రికార్డు కనుమరుగైపోయింది. ఈ రికార్డును కూడా ఓ పాకిస్థాన్ క్రికెటర్ బద్ధలు కొట్టాడు. అతని పేరు బాబర్ అజం. పాకిస్థాన్ యువ సంచలనం. ప్రస్తుతం శ్రీలంక క్రికెట్ జట్టు పాకిస్థాన్ పర్యటిస్తోంది. శ్రీలంకతో జరిగిన రెండో వన్డేలో బాబర్ సెంచరీ సాధించాడు. ఈ క్రమంలో తన వన్డే కెరీర్‌లో 11వ శతకాన్ని నమోదు చేశాడు. 
 
ఈ ఫీట్ అందుకోవడానికి కోహ్లీకి 82 ఇన్నింగ్స్ పట్టగా... బాబర్ అజం కేవలం 70 ఇన్నింగ్స్‌లలోనే ఈ ఘనతను సాధించాడు. 64 ఇన్నింగ్స్‌లలోనే 11 సెంచరీలు సాధించిన దక్షిణాఫ్రికా ఆటగాడు హషీమ్ ఆమ్లా ఈ జాబితాలో తొలి స్థానంలో వుండగా, మరో సౌతాఫ్రికా ప్లేయర్ డీకాక్ రెండో స్థానంలో (65 ఇన్నింగ్స్) కొనసాగుతున్నాడు. బాబర్ మూడో స్థానానికి చేరుకోవడంతో... కోహ్లీ నాలుగో స్థానానికి దిగజారిపోయాడు. 

వెబ్దునియా పై చదవండి

తర్వాతి కథనం ముక్కోణపు సిరీస్‌లో మరో రికార్డు.. శ్రీలంక కెప్టెన్ అదుర్స్