Publish Date: Mon, 02 Nov 2020 (15:02 IST)
Updated Date: Mon, 02 Nov 2020 (15:31 IST)
బ్రిటన్ రాకుమారుడు విలియమ్స్కు .. ఏప్రిల్ నెలలోనే కోవిడ్19 సంక్రమించింది. ప్రిన్స్ విలియమ్స్ తండ్రి ప్రిన్స్ చార్లెస్కు వైరస్ సోకిన సమయంలోనే ఆయనకు వచ్చినట్లు తాజా మీడియా కథనాల ద్వారా తెలుస్తోంది. విలియమ్స్ పరీక్ష నివేదికలను రహస్యంగా ఉంచినట్లు ఓ కథనం ద్వారా వెల్లడైంది. మార్చి చివర్లోనే ప్రిన్స్ చార్లెస్కు వైరస్ సంక్రమించింది. ఆ సమయంలోనే 38 ఏళ్ల విలియమ్స్ కూడా వైరస్ బారినపడ్డారు.
కానీ పాజిటివ్ రిపోర్ట్ను విలియమ్స్ బయటపెట్టలేదు. దేశ ప్రజలను భయాందోళనలకు గురి చేయవద్దు అన్న ఉద్దేశంతో ఈ విషయాన్ని చెప్పలేదని రాచవర్గాల ద్వారా తెలుస్తోంది. అయితే కెన్సింగ్టన్ ప్యాలెస్ ఆఫీసు అధికారులు ఈ అంశాన్ని ఇంకా ద్రువీకరించలేదు.
ఈస్ట్రన్ ఇంగ్లండ్లో ఉన్న నార్ఫ్లోక్లో కుటుంబ వైద్యులు ప్రిన్స్కు చికిత్స అందించారు. వైరస్ వల్ల విలియమ్స్ తీవ్ర ఇబ్బందులు పడ్డారని, దాదాపు కొన ఊపిరితో పోరాడినట్లు తెలుస్తోందని సమాచారం. ఓ దశలో విలియమ్స్ శ్వాస తీసుకోవడంలో ఇబ్బందిపడ్డారని, ఆ సమయంలో అందరూ ఆందోళన చెందినట్లు తెలిసింది.
