ఫ్రిజ్‌లో ఉల్లిపాయలు పెట్టకూడదు. అలాగే దుంపలకు సంబంధించిన పదార్థాలను ఫ్రిజ్‌లో వుంచకూడదు. అలాగే ఎప్పటికప్పుడు పిండిని కలిపేసి చపాతీలను చేసే టైం అందరికీ ఉండకపోవచ్చు. అందుకే చాలా మంది ఒకేసారి ఎక్కువ పిండిని కలిపేసి ఫ్రిజ్‌లో పెట్టేస్తుంటారు. అలా ఫ్రిజ్‌లో కలిపిన చపాతీ పిండిని వుంచకూడదు అంటున్నారు చాలామంది. చపాతీ పిండి ఎక్కువ సేపు ఫ్రిజ్‌లో ఉంటే దానిపై పొర గడ్డకడుతుంది.
అలాగే పిండి వాసన కూడా వస్తుంది. అందుకే చాలా మంది ఇది మంచిది కాదని, ఇలాంటి పిండి చపాతీలను తినకూడదని చెప్తుంటారు. అలాగే కొంతమంది అయితే ఫ్రిజ్‌లో ఉంచిన పిండి విషంలా మారుతుందని కూడా అంటుంటారు. ఒకవేళ నిల్వ చేయాలనుకుంటే పిండిని సరిగ్గా నిల్వ చేయడం చాలా అవసరం. ఎప్పడూ కూడా పిండికి కొంచెం నూనె రాసి గాలి వెళ్లని కంటైనర్‌లో నిల్వ చేయాలి. దీనివల్ల పిండి ఎక్కువ సేపు నిల్వ ఉంటుంది.
పిండిచేసిన రోటీ పిండిని ఫ్రిజ్‌లో నిల్వ చేయడం పూర్తిగా సురక్షితం. దాని పోషక విలువలు లేదా నాణ్యతను ప్రభావితం చేయదు. అయితే, మృదువుగా, సులభంగా రోటీలు చేసేందుకు రోటీలను తయారు చేయడానికి ముందు కనీసం 15-20 నిమిషాలు ఫ్రిజ్ నుండి పిండిని బయటకు తీసివుంచాలి.
పిండి 24 గంటలకు పైగా ఫ్రిజ్‌లో ఉంటే, ఉపయోగించే ముందు దాని పరిస్థితిని తనిఖీ చేయడం ముఖ్యం. ముందుగా పిండిలో కొంత భాగాన్ని సాగదీయండి. అది జిగటగా లేదా అతిగా జిగటగా అనిపిస్తే, దానిని తినకపోవడమే మంచిది. పిండికి పుల్లని వాసన ఉంటే, నలుపు లేదా తెలుపు బూజు ఉంటే లేదా సాగదీసినప్పుడు సన్నని, తీగల దారాలుగా వస్తే, దానిని ఉపయోగించడం ఇకపై సురక్షితం కాదు.
గోధుమ పిండిని చపాతీలకు తగినట్లు కలిపి దానిని ఫ్రిజ్‌లో వుంచేటప్పుడు ఈ చిట్కాలు పాటించాలి. పిండిని తాజాగా ఉంచడానికి కొంచెం నూనె లేదా నెయ్యి రాయాలి. పిండి గట్టిపడకుండా నిరోధించడానికి, నిల్వ చేయడానికి ముందు అల్యూమినియం ఫాయిల్ చుట్టాలి. ఇది పిండిని తేమగా వుంచుతుంది. ఈ పిండిని గాలి చొరబడని కంటైనర్‌లో నిల్వ చేయండి. మీ దగ్గర ఫాయిల్ లేదా ప్లాస్టిక్ పేపర్ లేకపోతే, గాలి చొరబడని కంటైనర్‌ను ఉపయోగిస్తే సరిపోతుంది. అలాగే జిప్ లాక్ బ్యాగ్‌లను ఉపయోగించవచ్చు.
