ఇప్పుటి కాలంలో ఏ పదార్థాలు చూసిన వింతగా కనిపిస్తున్నాయి. వాటిని చూస్తుంటే.. ఇవి నిజంగా ఆ పదార్థాలేనా లేదా కల్తీ చేసిన పదార్థాలానని ఆలోచించాల్చొస్తుంది. ఎక్కువగా చెప్పాలంటే.. కందిపప్పు, చక్కెర వంటివే కాస్తే తేడాగా కనిపిస్తుంటాయి. మరి అవి కల్తీవని తెలుసుకోవాలంటే.. ఏం చేయాలో ఈ కింది వాటిని చూసి తెలుసుకోవచ్చును...
1. కందిపప్పులో ఉదజహరికామ్లం కలిపితే అది ఎరుపు రంగులోకి మారితే కల్తీ కందిపప్పుగా భావించండి.
2. వెన్నలో, నెయ్యిలో కల్తీ జరిగింది, లేనిది తెలుసుకోవాలంటే.. వాటిలో కొద్దిగా హైడ్రోక్లోరిక్ ఆమ్లం, చక్కెర మిశ్రమాన్ని కలపాలి. 5 నిమిషాల తరువాత నెయ్యి లేదా వెన్నకు ఎరుపు రంగు వస్తే అది కల్తీ అని భావించాలి.
3. వనస్పతిలో సామాన్యంగా గంజిపొడి, ఉడికిన బంగాళదుంపను కల్తీ చేస్తుంటారు. దీనికి కొద్దిగా అయోడిన్ కలిపితే నీలిరంగు ఏర్పడినట్లయితే అందులో కల్తీ జరిగినట్లుగా గుర్తించాలి.
4. చక్కెరలో సుద్దముక్కలపొడి, బొంబాయి రవ్వ కలుపుతుంటారు. చక్కెరను నీటిలో వేస్తే కరుగుతుంది. అడుగున రవ్వకనిపించినా, నీరు తెల్లగా కనిపించినా అది కల్తీనే.
5. సెనగపిండిలో బియ్యపు పిండి, మిఠాయి రంగు కలుపుతారు. కొద్దిగా పిండిలో నీటిని కలపండి. నీటిరంగు ఎరుపుకు మారితే ఆ పిండి కల్తీదే.
6. బెల్లంలో మెటానిల్ ఎల్లోరంగు కలుపుతుంటారు. బెల్లం కరిగిన నీటిలో గాఢ ఉదజహరికామ్లం వేస్తే ఎర్రరంగు వస్తే కల్తీ జరిగినట్లు భావించాలి.
7. జీలకర్ర మంచిదా, నకిలీదానని తెలుసుకోవడానికి కొద్దిగా జీలకర్రను రెండు చేతుల మధ్య నలపండి. చేతికి రంగు అంటితే అది నకిలీదే.
