తెలంగాణ సర్కిల్‌లో ఉద్యోగాల భర్తీ.. బీఎస్ఎన్ఎల్ నోటిఫికేషన్ విడుదల

ప్రభుత్వ రంగ టెలికాం సంస్థ బీఎస్ఎన్ఎల్.. తెలంగాణ సర్కిల్‌లో ఉద్యోగాల భర్తీకి నోటిఫికేషన్ విడుదల చేసింది. మొత్తం వంద ఖాళీలకు ఈ నోటిఫికేషన్ విడుదలైంది. కానీ ఇవి ఏడాది కాలం పోస్టులు మాత్రమే. గ్రాడ్యుయేట్ అప్రెంటీస్, టెక్నీషియన్ అప్రెంటీస్ పోస్టుల్ని బీఎస్ఎన్ఎల్ భర్తీ చేస్తోంది. ఎలక్ట్రానిక్స్ అండ్ కమ్యూనికేషన్ ఇంజనీరింగ్‌లో డిగ్రీ పాసైనవారు ఈ పోస్టులకు దరఖాస్తు చేయొచ్చు.

ఆసక్తి గల అభ్యర్థులు నేషనల్ అప్రెంటీస్‌షిప్ ట్రైనింగ్ స్కీమ్-NATS వెబ్‌సైట్‌ http://www.mhrdnats.gov.in/లో రిజిస్టర్ చేసుకోవాల్సి ఉంటుంది. దరఖాస్తు ప్రక్రియ ఇప్పటికే ప్రారంభమైంది. దరఖాస్తుకు 2020 మార్చి 16 చివరి తేదీ అని బీఎస్ఎన్ఎల్ ప్రకటించింది. 

వివరాలు.. 

బీఎస్ఎన్ఎల్ అప్రెంటీస్‌కు అప్లై చేయడానికి చివరి తేదీ- 2020 మార్చి 16

సర్టిఫికెట్ వెరిఫికేషన్ కోసం డేటాబేస్ అందించడానికి చివరి తేదీ - 2020 మార్చి 18

ఇంటర్వ్యూ- 2020 మార్చి 19