స్పైస్జెట్ 12వ వార్షికోత్సవం... రూ.12కే విమాన టిక్కెట్
స్పైస్జెట్ బంపర్ ఆఫర్ ప్రకటించింది. ఆ సంస్థ 12వ వార్షికోత్సవాన్ని పురస్కరించుకుని రూ.12కే విమాన ప్రయాణాన్ని కల్పించనుంది. ముఖ్యంగా 12 రూపాయల ప్రారంభ ధరతో టిక్కెట్లను విక్రయించనుంది. పన్నులు, ఇతర సర్‌
స్పైస్జెట్ బంపర్ ఆఫర్ ప్రకటించింది. ఆ సంస్థ 12వ వార్షికోత్సవాన్ని పురస్కరించుకుని రూ.12కే విమాన ప్రయాణాన్ని కల్పించనుంది. ముఖ్యంగా 12 రూపాయల ప్రారంభ ధరతో టిక్కెట్లను విక్రయించనుంది. పన్నులు, ఇతర సర్‌చార్జీలను మినహాయించి ఈ ఆఫర్ అమలు చేయనున్నట్టు తెలిపింది.
ఈ ఆఫర్ కింద 2017 మే 23వ తేదీ నుంచి 28వ తేదీ వరకు టికెట్లు విక్రయించనుంది. ఈ బుకింగ్స్ ద్వారా వచ్చేనెల 26 నుంచి 2018 మార్చి 24 వరకు ప్రయాణించవచ్చు. 'ప్రతి భారతీయుడికి విమాన ప్రయాణాన్ని అందుబాటులోకి తేవాలన్న స్పైస్జెట్ ప్రయత్నాన్ని ఈ ఆఫర్ల ద్వారా పునుద్ఘాటిస్తున్నాం...' అని స్పైస్జెట్ మంగళవారం ఓ ప్రకటనలో వెల్లడించింది.
కాగా, దేశంలోని ప్రైవేట్ విమానయాన సర్వీసుల్లో స్పైస్‌ జెట్‌కుబడ్జెట్ క్యారియర్‌గా మంచి పేరుంది. ఈ నేపథ్యంలో.. 12వ వార్షికోత్సవం సందర్భంగా అన్ని దేశీయ విమానాలతో పాటు విదేశీ సర్వీసులకు ఈ ఆఫర్ అమలు చేస్తున్నట్టు స్పైస్జెట్ వెల్లడించింది.
