దేశ వ్యాప్తంగా పెళ్ళిళ్లు, పండగ సీజన్ మొదలైంది. దీంతో బంగారం విక్రయాలు భారీగా సాగుతున్నాయి. ఫలితంగా గత ఆగస్టు నెలలో ఏకంగా రికార్డు స్థాయిలో బంగారు దిగుమతులు జరిగాయి. ఈ ఒక్క నెలలోనే 10.06 బిలియన్ డాలర్లకు చేరిన బంగారం దిగుమతులు జరిగాయి. గత యేడాది ఆగస్టు నెలలో 4.93 బిలియన్ డాలర్ల మేరకు దిగుమతులు జరిగాయి.
కాగా, ఇటీవల కేంద్ర ప్రభుత్వం బంగారం స్మగ్లింగ్, ఇతర కార్యకలాపాలను అరికట్టేందుకు కస్టమ్స్ డ్యూటీని భారీగా తగ్గించినట్లు పేర్కొన్నట్టు వాణిజ్య శాఖ కార్యదర్శి సునీల్ బర్హాల్ వెల్లడించారు. ఒక పక్క కస్టమ్ డ్యూటీ తగ్గింపు.. మరో పక్క పండుగలు, పెళ్లిళ్ల సీజన్ నేపథ్యంలో బంగారం దిగుమతులు గణనీయంగా పెరిగాయి.
వాణిజ్య మంత్రిత్వ శాఖ విడుదల చేసిన గణాంకాలను పరిశీలిస్తే ఆగస్టులో రికార్డు స్థాయిలో బంగారం దిగుమతులు జరిగినట్లు తెలుస్తోంది. గత ఏడాది ఆగస్టు నెలలో బంగారం దిగుమతులు 4.93 బిలియన్ డాలర్లుగా బంగారం దిగుమతులు ఉండగా, ఈ ఏడాది ఆగస్టు రికార్డు స్థాయిలో 10.06 బిలియన్ డాలర్లకు చేరడం విశేషం.
గణనీయంగా బంగారం దిగుమతులు జరగడంపై వాణిజ్య శాఖ కార్యదర్శి సునీల్ బర్హాల్ స్పందించారు. బంగారం స్మగ్లింగ్, ఇతర కార్యకలాపాలను అరకట్టేందుకు కస్టమ్స్ డ్యూటీని భారీగా తగ్గించినట్లు ఆయన తెలిపారు. నగల వ్యాపారులు పండుగ సీజనులో నేపథ్యంలో అమ్మకాల కోసం బంగారాన్ని నిల్వ చేయడం ప్రారంభం అవుతుందని పేర్కొన్నారు.
