భారతదేశంలో ఒక ఈ-కామర్స్ సంస్థకు తొలిసారిగా ఫ్లిప్‌కార్ట్ త్వరలో వినియోగదారులకు రుణాలు అందించనుంది. దేశంలో ఒక పెద్ద ఈ-కామర్స్ సంస్థకు నాన్-బ్యాంకింగ్ ఫైనాన్స్ కంపెనీ (ఎన్బీఎఫ్‌సీ) లైసెన్స్ మంజూరు చేయడం ఇదే మొదటిసారి.
ఈ-కామర్స్ ప్లాట్‌ఫామ్ ఫ్లిప్‌కార్ట్, రిజర్వ్ బ్యాంక్ ఆఫ్ ఇండియా (ఆర్బీఐ) నుండి లెండింగ్ లైసెన్స్‌ను పొందింది. దీని ద్వారా కస్టమర్‌లు, విక్రేతలకు నేరుగా తన ప్లాట్‌ఫామ్‌పై రుణాలు అందించడానికి అనుమతి ఉందని ఒక నివేదిక తెలిపింది.
దేశంలోని ఒక పెద్ద ఈ-కామర్స్ సంస్థకు నాన్-బ్యాంకింగ్ ఫైనాన్స్ కంపెనీ (NBFC) లైసెన్స్‌ను RBI మంజూరు చేయడం ఇదే మొదటిసారి అని మీడియా నివేదించింది.
ఈ-కామర్స్ ప్లాట్‌ఫామ్‌లు బ్యాంకులు, ఎన్బీఎఫ్‌సీలతో టైఅప్‌లలో రుణాలను అందిస్తున్నప్పటికీ, తాజా చర్య ఫ్లిప్‌కార్ట్ నేరుగా రుణాలు ఇవ్వడానికి అనుమతిస్తుంది. అయితే, ఆర్బీఐ ఈ-కామర్స్ ప్లాట్‌ఫామ్‌లకు డిపాజిట్లు తీసుకోవడానికి కాకుండా రుణాలు మాత్రమే అందించడానికి అనుమతినిచ్చింది.
