బడ్జెట్లో మహిళలకి పెద్దపీట... రూ. 5000 ఓవర్‌డ్రాఫ్ట్ సౌకర్యం

శుక్రవారం, 5 జులై 2019 (14:06 IST)
బడ్జెట్ 2019లో కేంద్ర ప్రభుత్వం మహిళలకి పెద్దపీట వేసింది. ముద్ర యోజన పథకం ద్వారా ఒక్కో మహిళకు లక్ష రూపాయల వరకూ రుణాలు ఇవ్వనున్నట్లు తెలిపింది. స్వయంసహాయక గ్రూపులలో సభ్యత్వం వున్న మహిళలకి రూ.5000 ఓవర్ డ్రాఫ్ట్ సౌకర్యం కల్పిస్తున్నట్లు తెలిపారు నిర్మలా సీతారామన్.
 
గ్రామీణ భారత ప్రగతిలో మహిళ పాత్ర కీలకం. అన్ని చోట్లా మహిళా నాయకత్వం పెరుగుతోంది. 
​2019 ఎన్నికల్లో మహిళా ఓటర్లు రికార్డు స్థాయిలో పాల్గొన్నారు. 78 మంది మహిళలు ఎన్నికల్లో విజయం సాధించారు. ​మహిళల అభివృద్ధికి అన్ని జిల్లాల్లో పథకాలు. 
​జన్‌ధన్‌ ఖాతా కలిగిన మహిళలకు రూ.5వేలు ఓవర్‌ డ్రాఫ్ట్‌ సౌకర్యం. ​ఉజాల యోజన ద్వారా దేశవ్యాప్తంగా 35 కోట్ల ఎల్‌ఈడీ బల్బులు పంపిణీ. వీటి వాడకం వల్ల రూ.80 వేల కోట్ల విలువైన విద్యుత్‌ ఆదా. 
​భారత పాస్‌పోర్టు కలిగిన ఎన్‌ఆర్‌ఐలకు ఆధార్‌ కార్డులు. భారత రాయబార కార్యాలయం లేని దేశాల్లో నూతన రాయబార కార్యాలయాల ఏర్పాటు.​పర్యాటక రంగాభివృద్ధికి 17 ప్రదేశాలను గుర్తించడం జరిగింది. ప్రత్యేకించి ఆదివాసీలకు సంబంధించిన నృత్య, కళా, సాంస్కృతిక రూపకాలను డిజిటలైజ్‌ చేయనున్నాం.

వెబ్దునియా పై చదవండి

తర్వాతి కథనం సీతారామన్ చిట్టాపద్దు.. కొత్తగా నాణేలు.. గృహ రుణాలపై రాయితీ పెంపు..