మ్యాట్రిమోనియల్ వెబ్‌సైట్ భారత్ మ్యాట్రిమోనీ హోలీ, అంతర్జాతీయ మహిళా దినోత్సవం సందర్భంగా విడుదల చేసిన తాజా వీడియో ప్రకటనపై సోషల్ మీడియాలో విమర్శలు వెల్లువెత్తాయి. హోలీని నెగిటివ్‌గా చిత్రీకరించడం ద్వారా హిందూ మనోభావాలను దెబ్బతీసేలా వెబ్‌సైట్ ఉందని నెటిజన్లు ఆరోపించారు.
ఈ వివాదం సోషల్ మీడియాలో తీవ్ర చర్చకు దారితీసింది. కొందరు వెబ్‌సైట్ భావప్రకటనా స్వేచ్ఛను సమర్థించారు. మరికొందరు ప్రకటన హిందూ సంప్రదాయాల పట్ల అనుచితంగా ఉందని విమర్శించారు.
ట్విట్టర్‌లో #BoycottBharatMatrimony ట్రెండింగ్‌లో ఉన్న కొంతమంది ట్విట్టర్ వినియోగదారులు వెబ్‌సైట్‌ను బహిష్కరించాలని పిలుపునిచ్చారు. అలాగే ప్రకటనను తీసివేయాలని డిమాండ్ చేశారు.
