మేషం : అశ్వని, భరణి 1, 2, 3, 4 పాదములు, కృత్తిక 1వ పాదం
గ్రహాల సంచారం అనుకూలం. చిత్తశుద్ధిని చాటుకుంటారు. మాటతీరు ఆకట్టుకుంటుంది. ఖర్చులు సామాన్యం. సకాలంలో చెల్లింపులు జరుపుతారు. మొదలెట్టిన పనులు చురుకుగా సాగుతాయి. ఆరోగ్యం జాగ్రత్త. అతిగా శ్రమించవద్దు. ఆప్తులతో సంభాషిస్తారు.
వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు
పరిచయస్తుల వ్యాఖ్యలు ఉద్రేకపరుస్తాయి. సంయమనం పాటించండి. వ్యతిరేకించిన వారే మీ విజ్ఞతను గుర్తిస్తారు. అవసరాలకు ధనం సర్దుబాటవుతుంది. ఫోన్ సందేశాలను విశ్వసించవద్దు. ప్రతి విషయం క్షుణ్ణంగా తెలుసుకోండి. ఆధ్యాత్మికత పెంపొందుతుంది.
మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు
మీ కష్టం ఫలిస్తుంది. ప్రముఖుల ప్రశంసలందుకుంటారు. రావలసిన ధనం అందుతుంది. ధనసహాయం తగదు. పనులు సానుకూలమవుతాయి. ఆత్మీయులతో కాలక్షేపం చేస్తారు. తీర్థయాత్రలకు సన్నాహాలు సాగిస్తారు. వాహనం నడిపేటపుడు జాగ్రత్త.
కర్కాటకం : పునర్వసు 4వ పాదం, పుష్యమి, ఆశ్లేష
లావాదేవీలు ముగుస్తాయి. ఖర్చులు సంతృప్తికరం. పొదుపు పథకాలపై దృష్టిపెడతారు. ప్రైవేట్ సంస్థల్లో మదుపు తగదు. పనులు అర్ధాంతంగా ముగిస్తారు. పరిచయాలు, వ్యాపకాలు విస్తరిస్తాయి. విలువైన వస్తువులు, పత్రాలు జాగ్రత్త. ఎవరినీ అతిగా నమ్మవద్దు.
సింహం : మఖ, పుబ్బ, ఉత్తర 1వ పాదం
కార్యసాధనకు ఓర్పు ప్రధానం. అవకాశాలు చేజారిపోతాయి. నిస్తేజానికి లోనవుతారు. పెద్ద ఖర్చు తగిలే ఆస్కారం ఉంది. ఆత్మీయుల వ్యాఖ్యలు ఉపశమనం కలిగిస్తాయి. పత్రాలు అందుకుంటారు. పనులు చురుకుగా సాగుతాయి. కొత్త విషయాలు తెలుసుకుంటారు.
కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు
మీ చొరవతో శుభకార్యం నిశ్చయమవుతుంది. బంధుత్వాలు బలపడతాయి. అవసరాలకు ధనం సర్దుబాటవుతుంది. వాయిదా పడిన పనులు పూర్తిచేస్తారు. ప్రముఖుల సందర్శనం వీలుపడదు. ఒక సమాచారం ఆలోచింపచేస్తుంది. సామాజిక కార్యక్రమాల్లో పాల్గొంటారు.
తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు
అవిశ్రాంతంగా శ్రమిస్తారు. యత్నాలకు పెద్దల ప్రోత్సాహం ఉంటుంది. నిలిపివేసిన పనులు పూర్తి చేస్తారు. ఖర్చులు సామాన్యం. ఫోన్ సందేశాలను నమ్మవద్దు. ఆచితూచి అడుగేయాలి. దంపతుల మధ్య దాపరికం తగదు. పత్రాల్లో సవరణలు సాధ్యమవుతాయి.
వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు
పరిస్థితులు అనుకూలిస్తాయి. అనుకున్నది సాధిస్తారు. సంప్రదింపులు ఫలిస్తాయి. సముచిత నిర్ణయాలు తీసుకుంటారు. పెద్దమొత్తం నగదు చెల్లింపుల్లో జాగ్రత్త. బాధ్యతలు అప్పగించవద్దు. ఆత్మీయులతో కాలక్షేపం చేస్తారు. వివాహయత్నాలు తీవ్రంగా సాగిస్తారు.
ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం
మీ రంగంలో రాణిస్తారు. మీ కష్టం వృధాకాదు. సభ్యత్వాలు స్వీకరిస్తారు. ఆదాయం సంతృప్తికరం. విలాసాలకు వ్యయం చేస్తారు. పొగిడేవారితో జాగ్రత్త. కనిపించకుండా పోయిన వస్తువులు లభ్యమవుతాయి. వివాదాలు పరిష్కార దిశగా సాగుతాయి.
మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు
పొదుపు ధనం అందుతుంది. సకాలంలో వాయిదాలు చెల్లిస్తారు. గృహం ప్రశాంతంగా ఉంటుంది. పనులు అనుకున్న విధంగా సాగుతాయి. ప్రముఖులను కలుసుకుంటారు. పిల్లల కదలికలపై దృష్టి సారించండి. ఒక సమాచారం ఉపశమనం కలిగిస్తుంది.
కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు
ఒప్పందాల్లో మెలకువ వహించండి. ప్రలోభాలకు లొంగవద్దు. ధనమూలక సమస్యలు ఎదురవుతాయి. ఊహించని సంఘటన ఎదురవుతుంది. పనులు అర్ధాంతంగా ముగిస్తారు. దంపతుల మధ్య సఖ్యత లోపం. మీ విషయాల్లో ఇతరుల జోక్యానికి తావివ్వవద్దు.
మీనం : పూర్వాబాద్ర 4వ పాదం, ఉత్తరాబాద్ర, రేవతి
మీ జోక్యంతో ఒక సమస్య సద్దుమణుగుతుంది. అందరితో సత్సంబంధాలు నెలకొంటాయి. ఊహించని ఖర్చులు ఎదురవుతాయి. రాబడిపై దృష్టి పెడతారు. పనులు వేగవంతమవుతాయి. ఫోన్ సందేశాలను పట్టించుకోవద్దు. విదేశాల్లోని పిల్లల క్షేమం తెలుసుకుంటారు.
