సోషల్ మీడియాలో ప్రస్తుతం గుంటూరు జిల్లా చిలకలూరిపేట వైసీపీ మహిళా ఎమ్మెల్యే రజనీకి సంబంధించిన వీడియో వైరల్ అవుతోంది. సోషల్ మీడియాలో ఆమె ఎప్పుడూ చాలా యాక్టివ్‌గా ఉంటారు. నియోజకవర్గంలో తిరుగుతూ అనేక సభలు, సమావేశాలు నిర్వహిస్తుంటారు. తాజాగా ఓ కార్యక్రమంలో పాల్గొన్న ఎమ్మెల్యేకు ఓ బుడతడు షాక్ ఇచ్చాడు.
నియోజకవర్గ ప్రజల్ని కలుస్తు వస్తున్న ఆమెను ఓ స్కూల్ విద్యార్థి అకస్మాత్తుగా బుగ్గగిల్లాడు. బుగ్గ గిల్లి ముద్దు కూడా ఇచ్చాడు. అకస్మాత్తుగా జరిగిన ఈ పరిణామాతో ఎమ్మెల్యే రజని షాక్ తిని.. ఆ తర్వాత సర్ ప్రైజ్‌గా ఫీలయ్యారు. దీంతో అక్కడున్న వాళ్లంతా నవ్వులు పూయించారు.
అయితే ఆ పిల్లాడు ఎంతో అప్యాయంగా ఎమ్మెల్యేకు ముద్దివ్వడంతో ఇప్పుడు ఈ వీడియో సోషల్ మీడియాలో వైరల్‌గా మారింది. నెటిజన్స్ కూడా ఈ చిన్నపిల్లాడు చేసిన పని సో క్యూట్ అంటూ కామెంట్లు పెడుతున్నారు.
