ఏపీలోని అన్నమయ్య జిల్లాలో విషాదం జరిగింది. ఓ కారు వాగు నీటి ఉధృతిలో కొట్టుకునిపోయింది. జిల్లాలోని పెద్దతిప్ప సముద్రం మండలంలోని సంపతికోట వాగులో ఈ కారు కొట్టుకునిపోయింది. ఆ సమయంలో కారులో ఒకే కుటుంబానికి చెందిన ఐదుగురు సభ్యులు ఉన్నారు.
ఈ ప్రమాదాన్ని గుర్తించి స్థానికులు కారును రక్షించేందుకు ప్రయత్నించారు. ఫలితంగా నలుగురిని ప్రాణాలతో రక్షించగలిగారు. కారులోనే ఓ బాలిక మాత్రం కొట్టుకునిపోవడంతో ఆమె ప్రాణాలు కోల్పోయింది. సమాచారం అందుకున్న పోలీసులు అగ్నిమాపకదళ బృందంతో కలిసి అక్కడకు చేరుకుని సహాయక చర్యలు చేపట్టారు.
