ఏపీ ప్రత్యేక హోదా పోరు : చంద్రబాబుకు టాలీవుడ్ సంఘీభావం

విభజన వల్ల నష్టపోయిన ఆంధ్రప్రదేశ్ రాష్ట్రానికి ప్రత్యేక హోదా కల్పించాలని కోరుతూ ముఖ్యమంత్రి చంద్రబాబు నాయుడు సారథ్యంలో చేస్తున్న పోరాటానికి తెలుగు చిత్ర పరిశ్రమ తన సంఘీభావాన్ని తెలిపింది.

విభజన వల్ల నష్టపోయిన ఆంధ్రప్రదేశ్ రాష్ట్రానికి ప్రత్యేక హోదా కల్పించాలని కోరుతూ ముఖ్యమంత్రి చంద్రబాబు నాయుడు సారథ్యంలో చేస్తున్న పోరాటానికి తెలుగు చిత్ర పరిశ్రమ తన సంఘీభావాన్ని తెలిపింది. ఇదే విషయంపై శుక్రవారం పలువురు టాలీవుడ్ ప్రముఖులు సీఎంతో సమావేశమై సంపూర్ణ మద్దతను ప్రకటించారు. 

ఇటీవల చంద్రబాబు సారథ్యంలో అఖిలపక్ష సమావేశం జరిగిన విషయం తెల్సిందే. ఈ సమావేశానికి వైకాపా, జనసేన, బీజేపీలు దూరంగా ఉన్నాయి. అయినప్పటికీ ఈ సమావేశంలో వివిధ దశల్లో ఆందోళన కార్యక్రమాలు నిర్వహించాలని తీర్మానించారు. 

అఖిలపక్షం పిలుపు మేరకు తాము కూడా నల్ల బ్యాడ్జీలతో నిరసన తెలుపుతామని ప్రకటించారు. ఏప్రిల్ 6వరకు తమ నిరసన వ్యక్తం చేస్తామని చెప్పారు. సీఎంతో సమావేశమైన వారిలో కెఎల్.నారాయణ, జీకే, సి.అశ్వినీదత్, కె.ఎస్ రామారావుతో పాటు టి.వెంకటేశ్వరరావు, కె.రాఘవేంద్రరావు, జెమిని కిరణ్ తదితరులు ఉన్నారు.