తెలంగాణ రాష్ట్రంలోని హన్మకొండలో దారుణం జరిగింది. ఓ ఉన్మాది తన ప్రియురాలి గొంతు కోశాడు. నమ్మకంగా తన వద్దకు రప్పించి.. ఆ తర్వాత బ్లేడుతో ఆ యువతి గొంతుకోశాడు. దీంతో ఆ యువతి ఇపుడు ప్రాణాపాయస్థితిలో కొట్టుమిట్టాడుతోంది. ఈ దారుణానికి పాల్పడిన తర్వాత నిందితుడు నేరుగా కోర్టుకెళ్లి జడ్జి ముందు లొంగిపోయాడు.
శుక్రవారం సాయంత్రం జరిగిన ఈ దారుణ ఘటన వివరాలను పరిశీలిస్తే, హన్మకొండ రాంనగర్‌కు చెందిన షాహిద్ అనే యువకుడు స్థానికంగా ఉండే ఓ యువతిని ప్రేమిస్తూ వచ్చాడు. అయితే, ఉన్నట్టుండి వారి మధ్య ఏం జరిగిందో ఏమో తెలియదుకానీ.. ఉన్నట్టుండి ప్రియురాలిని గొంతు కోశాడు.
దీంతో తీవ్ర రక్తస్రావం కావడంతో ఆ యువతి ఘటనాస్థలిలోని స్పృహ కోల్పోయింది. ఆ పిమ్మట పోలీసులు అక్కడకు చేరుకుని బాధితురాలిని ఆస్పత్రికి తరలించి చికిత్స అందించారు. కాగా, బాధితురాలిని లష్కర్ సింగారం గ్రామానికి చెందిన హారతిగాను, ఉన్మాది స్వస్థలం కాజీపేటగా పోలీసులు గుర్తించారు.
షాహిద్ చైతన్యపురిలోని ఓ మటన్ షాపులో పని చేస్తూ హారతిని ప్రేమిస్తూ వచ్చాడు. అయితే, ప్రియురాలిపై ఉన్న పెంచుకున్న అనుమానంతో ఈ దారుణానికి పాల్పడివుంటాడని పోలీసులు భావిస్తున్నారు. దీనిపై పోలీసులు కేసు నమోదు చేసి దర్యాప్తు జరుపుతున్నారు.
